اوچ شریف :ایم پی اے سید عامر علی شاہ نے مقامی صحافی کے بھائی وفات پر اظہارتعزیت کیا

اوچ شریف ،باغی ٹی وی( نامہ نگار حبیب خان) ایم پی اے حلقہ پی پی 250 سید عامر علی شاہ نے سینئر صحافی اور مقامی نجی اسکول کے سی ای او ملک ذوالفقار علی مکول سے ان کے جواں سال بھائی ملک وسیم مکول کے انتقال پر ان سے اظہار تعزیت کیا اور مرحوم کے لیے فاتحہ خوانی کرتے ہوئے سوگوار خاندان اور پسماندگان کے لیے صبر جمیل کی دعا کی۔

اس موقع پر سماجی شخصیت خواجہ حسین نادر بھی ایم پی اے کے ہمراہ تھے۔

سید عامر علی شاہ نے ملک وسیم مکول کی وفات پر رنج و غم کا اظہار کرتے ہوئے کہا کہ جوانی کی موت کا صدمہ کبھی ختم نہیں ہوتا، موت ایک آفاقی حقیقت ہے۔ ہمیشہ کے لیے اپنے کسی پیارے کے بچھڑ جانے کا دکھ کلیجہ چیر دیتا ہے، مگر یہی زندگی کا دستور ہے۔