گوجرانوالہ:پرائیویٹ میٹرنٹی ہسپتال میں نان کوالیفائیڈ عملہ کے ہاتھوں دوران زچگی خاتون جاں بحق

گوجرانوالہ،باغی ٹی وی س( نامہ نگار محمد رمضان نوشاہی) پرائیویٹ میٹرنٹی ہسپتال میں نان کوالیفائیڈ عملہ کے ہاتھوں دوران زچگی خاتون جاں بحق

ڈاکٹرز اور عملہ کی غفلت اور لاپرواہی کی وجہ سےحوا کی بیٹی دوران زچگی لقمہ اجل بن گئی، پرائیویٹ طفیل سیال میٹرنٹی ہسپتال کے نان کوالیفائیڈ ڈاکٹرز اور عملہ کے ہاتھوں ایک اور گھر کا چراغ بجھ گیا،

پیسوں کے لالچ میں یہ قصائی نما ڈاکٹر انسانی جانوں سے کب تک کھیلیں گے ؟ مقتولہ ثمینہ کے والد کی دہائی وزیر اعلی پنجاب مریم نواز سے کارروائی کا مطالبہ

راہوالی میں قائم پرائیویٹ طفیل سیال مٹرینٹی ہسپتال کی ڈاکٹر نائلہ سیال ،ڈاکٹر سعدیہ ،ڈاکٹر طلحہ اور نان کوالیفائیڈ عملہ کے خلاف تھانہ کینٹ میں درخواست دیتے ہوئے موقف اختیار کیا ہے کہ میری بیٹی ثمینہ کو برائے ڈلیوری ہسپتال لایا گیا،جہاں پر ڈاکٹرز اور عملہ کی غفلت اور لاپرواہی کی وجہ سے میری بیٹی کی دوران زچگی غلط اپریشن اور ناقص ادویات دینے پر موت واقع ہو گئی

جاں بحق ہونے والی عورت کے والد فقیر محمد نے وزیر اعلی پنجاب مریم نواز شریف سے اپیل کی کہ قاتل ڈاکٹرز اور عملہ کے خلاف میری بیٹی کو دوران زچگی قتل کرنے کا مقدمہ درج کر کے قرار واقعی سزا دلوائی جائے.