ڈیرہ غازیخان:سیلابی علاقوں میں پولیس تعینات،عوام ، مال مویشی سمیت دیگر سامان محفوظ مقام پر منتقلی کا سلسلہ جاری

ڈیرہ غازیخان،باغی ٹی وی (سٹی رپورٹرجواداکبر)ڈی جی خان ضلع کے سیلابی علاقوں میں پولیس کی نفری تعینات،عوام اور ان کے مال مویشی سمیت دیگر سامان محفوظ مقام پر منتقل کرنے کا سلسلہ جاری ،

تفصیلات کے مطابق ضلع ڈی جی خان کی ریونیو حدود میں تھانہ گدائی کے علاقوں چٹ ڈگر،پائیگاں،تھانہ چوٹی کے علاقوں چٹ سرکانی،چاہ جھلدرای،معموری جبکہ تھانہ سٹی تونسہ میں بیٹ جھٹ لغاری میں آنے والے سیلاب کے بعد آئی جی پنجاب ڈاکٹر عثمان انور کے احکامات کی تعمیل میں ڈی پی او سید علی نے 2 سو کے قریب پولیس اہلکاروں کو سول انتظامیہ کے ساتھ عوام کو محفوظ مقامات پر پہنچانے کے لئے تعینات کر دیا ہے ،

متعلقہ ڈی ایس پیز اس عمل کی نگرانی جبکہ ڈی پی او مکمل مانیٹرنگ کریں گے،ڈی پی او سید علی کا کہنا ہے کہ پولیس عوام کی خادم ہے،مشکل وقت میں پولیس عوام کو کسی صورت تنہا نہیں چھوڑیں گے،ان کا کہنا تھا کہ ضلع بھر میں پولیس اہلکاروں کی چھٹیاں منسوخ ہیں،

ضلع بھر کی پولیسں کے تمام آفیسرز اور اہلکار محرم الحرام کی سیکورٹی ڈیوٹی اور فلڈ ڈیوٹی میں مصروف ہیں جن کی کارکردگی کو جدید سائنسی ٹیکنالوجی کی مدد سے مانیٹر کیا جا رہا ہے