14 اگست کو مینار پاکستان جلسہ ،کارکن نے درخواست دی،ہمارا تعلق نہیں، پی ٹی آئی کی تردید

تحریک انصاف کے رہنما نے 14 اگست کو مینار پاکستان پر جلسہ کرنے کا اعلان کر دیا ہے

تحریک انصاف 14 اگست کو مینار پاکستان پر جلسہ کا انعقاد کرے گی،جلسہ سے پی ٹی آئی رہنما خطاب کریں گے، جلسہ کے لیے انتظامیہ کو اجازت کے لئے درخواست دے دی گئی ہے،پی ٹی آئی نے جلسے کی اجازت کیلئے درخواست ڈپٹی کمشنر کو جمع کروائی ہے جس میں کہاگیا ہے کہ 14 اگست کو مینار پاکستان پر جلسہ کرنا چاہتے ہیں، جلسے میں قواعد و ضوابط کی مکمل پابندی کی جائے گی،انتظامیہ جلسے کی اجازت دے

سینیئر نائب صدر تحریک انصاف اکمل خان باری نے ڈپٹی کمشنر کو جلسے کی اجازت کیلئے باضابطہ درخواست جمع کرائی ہے، تاہم پی ٹی آئی نے مینار پاکستان جلسے سے لاتعلقی کا اعلان کرتے ہوئے کہا کہ کارکن نے ذاتی حیثیت میں جلسے کی درخواست دی، تحریک انصاف کے صوبائی سیکرٹری جنرل حافظ ذیشان رشید کا کہنا تھا کہ تحریک انصاف نے چودہ اگست کو مینار پاکستان پر کسی جلسے کا اعلان نہیں کیا، کسی کارکن نے ذاتی حیثیت میں جلسے کی درخواست دی ہے جس کا تنظیم سے کوئی تعلق نہیں ہے،