یو اے ای کابینہ میں ردوبدل، شیخ حمدان اور شیخ عبداللّٰہ بن زاید نائب وزرائے اعظم مقرر

متحدہ عرب امارات (یو اے ای) کے وزیراعظم اور دبئی کے حکمراں شیخ محمد بن راشد المکتوم نے اماراتی کابینہ میں ردوبدل کا اعلان کردیا۔ دبئی سے خبر ایجنسی کے مطابق شیخ حمدان بن محمد یو اے ای کے نائب وزیراعظم اور وزیر دفاع ہوں گے۔خبر ایجنسی کے مطابق 41 سالہ شیخ حمدان 2008 سے دبئی کے ولی عہد کے طور پر خدمات انجام دے رہے ہیں۔ شیخ حمدان ایک معروف شخصیت ہیں جن کے انسٹاگرام پر 16.4 ملین فالورز ہیں۔ علاوہ ازیں اماراتی وزیر خارجہ شیخ عبداللّٰہ بن زاید النہیان کو بھی نائب وزیراعظم مقرر کر دیا گیا ہے۔