گوجرانوالہ :ممتاز ماہر تعلیم،دانشورپروفیسر عبداللہ نعمان گورنمنٹ کالج سیٹلائٹ ٹاؤن کے وائس پرنسپل مقرر

گوجرانوالہ، باغی ٹی وی (نامہ نگار محمد رمضان نوشاہی )ممتاز ماہر تعلیم،استاداور دانشورپروفیسر عبداللہ نعمان گورنمنٹ کالج سیٹلائٹ ٹائون کے وائس پرنسپل مقرر ،ڈاکٹر بابر بیگ مطالی ڈین فیکلٹی آف آرٹس ہوں گے ،شعبہ انگریزی کے صدر اور ممتاز ماہر تعلیم پروفیسر عبداللہ نعمان کو گورنمنٹ کالج سیٹلائٹ ٹائون کا وائس پرنسپل تعینات کر دیا گیا،پرنسپل پروفیسر ڈاکٹر نذیراحمد نے ان کو گزشتہ روز نوٹیفکیشن دیا،

اس موقع پر پروفیسر ڈاکٹر بابر بیگ مطالی، ڈاکٹر طاہر بٹ ،ملک معراج اختر بھی موجود تھے،پرنسپل کی جانب سے سینئر پروفیسر ڈاکٹر بابر بیگ مطالی کو ڈین فیکلٹی آف آرٹس بنادیا گیا،ڈاکٹر بابر بیگ مطالی گریڈ 21میں سینئر ترین استاد ہیں ،پرنسپل گورنمنٹ کالج سیٹلائٹ ٹائون ڈاکٹر نذیر احمد نے توقع ظاہر کی کہ نئے تعینات ہونے والے اساتذہ اپنی ذمہ داریوں کو بخوبی ادا کریں گے ،

یاد رہے کہ پروفیسر عبداللہ نعمان ،سابق پرنسپل گورنمنٹ کالج اور استاد الاساتذہ پروفیسر حافظ محمد ارشد کے صاحبزادے ہیں ۔