غیرممالک سے پاکستان آئے ہوئے سیاحوں کو مکمل سیکیورٹی فراہم کر رہے ہیں، ڈی پی او خیبر

لنڈی کوتل(باغی ٹی وی رپورٹ )غیرممالک سے پاکستان آئے ہوئے سیاحوں کو مکمل سیکیورٹی فراہم کر رہے ہیں، ڈی پی او خیبر سلیم عباس کلاچی

ڈسٹرکٹ پولیس آفیسر سلیم عباس کلاچی کے احکامات پرضلع بھر میں غیر ملکیوں خصوصاً چائنیز کی سیکیورٹی کو یقینی بناتے ہوئے غیر ملکی سیاحوں کو فول پروف سیکورٹی فراہم کی جارہی ہیں۔

ضلع خیبر کے تاریخی مقامات دیکھنے کی خاطر روزانہ کی بنیاد پر غیر ملکی خیبر کے تاریخی مقامات مچنی پوسٹ طورخم ،علی مسجد لنڈیکوتل، کوتل کے تاریخی افسر میس کو دیکھنے کے لئے خیبر کا رخ کر رہے ہیں۔

انسپکٹر جنرل آف پولیس اور سی سی پی پشاور کے جاری کردہ احکامات پر غیر ملکیوں کو پر امن ماحول فراہم کرنے کے لئے ضلع بھر میں سیکورٹی کے فل پروف انتظامات کیے گئے ہیں ۔

ڈی پی او خیبر سلیم عباس کلاچی کے دفتر سے جاری پریس ریلیز کے مطابق خیبر پولیس نہ صرف سیکیورٹی فراہم کر رہی ہے بلکہ ان کی گائیڈنس اور ہر ممکن خدمت بھی کر رہی ہے.