سیالکوٹ:ایف آئی اے امیگریشن نے جعلی سفری دستاویزات پر بیرون ملک جانے والے مسافر کو دھرلیا
![](https://baaghitv.com/wp-content/uploads/2024/07/fia-jpg.webp)
سیالکوٹ، باغی ٹی وی( بیوروچیف شاہد ریاض سے)ایف آئی اے امیگریشن نے جعلی سفری دستاویزات پر بیرون ملک جانے والے مسافر کو دھرلیا
ترجمان ایف آئی اے کے مطابق سیالکوٹ ائرپورٹ پر بڑی کارروائی کی گئی ،جس میں جعلی سفری دستاویزات پر بیرون ملک جانے والے مسافر کو آف لوڈ کر دیا گیا
ملزم فلائٹ نمبر FZ 338 کے ذریعے پولینڈ جا رہا تھا،ملزم کی شناخت رضوان علی کے نام سے ہوئی،ملزم کو امیگریشن کلیئرنس کے دوران مشکوک پایا گیا ،ملزم کے پاسپورٹ پر لگا پولینڈ کا اسٹیکر جعلی تھا
ابتدائی تفتیش کے مطابق ملزم کے بھائی علی ذیشان نے ڈی ایچ ایل کے ذریعے جعلی ویزہ اسٹیکر بھیجا ،ملزم کے بھائی نے جعلی اسٹیکر مائیکل زوادزکی نامی پولش ایجنٹ سے حاصل کیا
ملزم کے بھائی نے ایجنٹ کو پولینڈ میں ملازمت کی غرض سے 33 لاکھ روپے ادا کیے ، ملزم کو بعد ازاں مزید قانونی کارروائی کے لئے اینٹی ہیومن ٹریفکنگ سرکل گوجرانوالہ منتقل کر دیا گیا۔مزید تفتیش جاری ہے