![karachi](https://baaghitv.com/wp-content/uploads/2023/09/Screenshot-2023-09-13-at-19-19-21-Karachi-History-Population-Climate-Facts.png)
معروف امریکی جریدے فوربس نے سیاحوں کے لیے خطرناک ترین شہر وں میں پاکستان کا ایک شہر بھی شامل کر دیا گیا ہے
فوربس کی جانب سے دنیا بھر کے سیاحوں کے لیے جاری ایڈوائزی میں سال 2024 کے لیے دنیا کے خطرناک ترین شہروں کی فہرست جاری کی گئی ہے،جس کےمطابق دنیا کا سب سے خطرناک شہر کراکس کو پہلا نمبر دیا گیا ہے ،دوسرا نمبر کراچی اور میانمار کے شہر ینگون کو سیاحوں کے لیے تیسرا خطرناک شہر قرار کہا گیا ہے
فوربس میگزین کی رپورٹ کے مطابق کراچی میں سیاحوں کی سلامتی کو انتہائی درجے کے خطرات لاحق ہیں، کراچی میں جرائم بڑھ چکے ہیں، تشدد کے واقعات آئے روز رونما ہوتے ہیں، قدرتی آفات اور معاشی کمزوریوں کے شدید خطرات بھی موجود ہیں
فوربس میگزین کی جانب سے جاری کی گئی اس فہرست میں سنگاپور کو سیاحوں کے لیے دنیا کا محفوظ ترین ملک قرار دیا گیا ہے، جاپان کا شہر ٹوکیو اور کینیڈا کا شہر ٹورنٹو بھی سیاحوں کے لیے محفوظ ترین ممالک کی فہرست میں شامل ہے۔
واضح رہے کہ گزشتہ ماہ اکنامسٹ انٹیلی جنس یونٹ (ای آئی یو) نے 2024 کے لیے دنیا بھر میں رہائش کے لیے بہترین شہروں کی فہرست جاری کی تھی،اس فہرست میں کراچی بھی شامل تھا جو 169 ویں نمبر پر موجود ہے، گزشتہ سال بھی کراچی کے حصے میں یہی نمبر آیا تھا۔