احمد پور شرقیہ ہسپتال میں خاکروب کی ای سی جی کرنے کی وائرل ویڈیو پرایکشن خاکروب اورنرس معطل

اوچ شریف ،باغی ٹی وی( نامہ نگار حبیب خان)تحصیل ہیڈ کوارٹر اسپتال احمد پور شرقیہ میں خاکروب کی جانب سے ہارٹ پیشنٹ کی ای سی جی کرنے کی وائرل ویڈیو اور خبر پر سیکرٹری ہیلتھ پنجاب کا سخت نوٹس خاکروب اور ڈیوٹی نرس کو فارغ کردیا اور ساتھ ہی ڈاکٹر رانا ارشد کو انکوائری آفیسر مقرر کر دیا اور تحقیقاتی رپورٹ کی روشنی میں غفلت کے مرتکب ڈاکٹرز کے خلاف کارروائی عمل میں لائی جائے گی۔ دوسری جانب ڈپٹی کمشنر بہاول پور ظہیر انور جپہ نے بھی خبر کا نوٹس لے لیا، سی ای او ہیلتھ بہاول پور اور ایم ایس تحصیل ہیڈ کوارٹر ہسپتال ڈاکٹر عارف غوری کو بہاول پور طلب کرلیا

تفصیل کے مطابق تحصیل ہیڈ کوارٹر اسپتال احمد پور شرقیہ میں خاکروب کی جانب سے ہارٹ پیشنٹ کی ای سی جی کرنے کی وائرل ویڈیواور خبر پرسکریٹری ہیلتھ پنجاب نے سخت نوٹس لے لیا اور خاکروب سمیت ڈیوٹی نرس کو فارغ کردیا اور ساتھ ہی سینئر ڈاکٹر رانا ارشد کو اس معاملےکا انکوائری آفیسر مقرر کر دیا جن کی تحقیقاتی رپورٹ کی روشنی میں فرائض میں غفلت کے مرتکب ڈاکٹرز کے خلاف کارروائی عمل میں لائی جائے گی۔

دوسری جانب ڈپٹی کمشنر بہاول پور ظہیر انور جپہ نے بھی خبر کا نوٹس لے لیا، سی ای او ہیلتھ بہاول پور اور ایم ایس تحصیل ہیڈ کوارٹر اسپتال ڈاکٹر عارف غوری کو فوری طور پر بہاول پور طلب کرلیا ۔