کراچی،چوری ہونے والی کار ایک گھنٹے میں برآمد

کراچی کے علاقےالفلاح شمسی سوسائٹی سے چوری ہونے والی کار ایک گھنٹے میں برآمد کرلی گئی.

شاہ فیصل کالونی پولیس ٹریکر کی مدد سے موقع پر پہنچ گئی. ملزمان ملیر کے علاقے میں کار چھوڑ کر فرار ہوگئے تھے. برآمد شدہ کار شہری کے حوالے کردی گئی. بزرگ شہری نے ایس ایس پی کورنگی توحید رحمان میمن اور شاہ فیصل پولیس سے اظہار تشکر کیا. فرار ملزمان کی تلاش جاری ہے ملزمان کو جلد گرفتار کرلیا جائے گا

دوسری جانب اے وی ایل سی کی نارتھ کراچی میں کامیاب کاروائی،واٹر پمپ کے نزدیک سے چوری ہونے والی کار برآمد کر لی، شہری سمیع اللّٰہ ترین نے کار کی برآمدگی پر اے وی ایل سی کراچی پولیس کی کاوشوں کی تعریف کی.

علاوہ ازیں ایسٹ، تھانہ سائٹ سپر ہائی وے پولیس نے منشیات فروش ملزمان کو گرفتار کرلیا. پولیس نے آر پٹی فقیرہ گوٹھ کے قریب کارروائی کرتے ہوئے دو ملزمان اور ایک ملزمہ کو گرفتار کیا۔گرفتار ملزمان کے قبضے سے آدھا کلو سے زائد (570 گرام) اعلیٰ کوالٹی کی ہیروئن، 70 گرام آئس اور فروختگی کی رقم برآمد کرلی گئی۔گرفتار ملزمان کے خلاف کنٹرول آف نارکوٹکس سبسٹینس ایکٹ کے تحت مقدمہ درج کر کے مزید تفتیش کا آغاز کردیا گیا ہے۔گرفتار ملزمان میں ظاہر شاہ ولد فقیر محمد، غلام حسین ولد محمد عثمان اور ملزمہ عشرت زوجہ علی ڈنو شامل ہیں۔گرفتار ملزمان عادی جرائم پیشہ ور ہیں اور قبل از بھی منشیات فروشی کے مقدمات میں گرفتار ہوکر جیل جا چکے ہیں۔