قصور:باغی ٹی وی کی خبرپر ایکشن،دومرتبہ قتل کی کوشش،فائرنگ کرکے زخمی کرنے والا سفاک گرفتار

قصور،باغی ٹی وی (بیوروچیف غنی محمود)باغی ٹی وی کی خبرپر ایکشن،دومرتبہ قتل کی کوشش،فائرنگ کرکے زخمی کرنے والا سفاک گرفتار،پوری فیملی کو قتل کی دھمکیاں بھی دیتا رہا

تفصیلات کے مطابق گذشتہ روز باغی ٹی وی پر خبر شائع ہوئی جس پر ڈی پی او قصور نے فوری ایکشن لیتے ہوئے سفاک شخص کی فوری گرفتاری کے احکامات دئے جس پر تھانہ گنڈا سنگھ کے علاقے گاؤں برج میں فائرنگ سے گاؤں کے رہائشی کو زخمی کرنیوالے وحشی ملزم کوپولیس نے گرفتار کر لیا ہے جس کی شناخت مبین عرف مبینی سکنہ الہ آباد تحصیل چونیاں کے نام سے ہوئی ہے

ملزم نے پوری فیملی کو قتل کرنے کی دھمکیاں دی تھیں اور دو مرتبہ نوجوان کو قتل کرنے کی نیت سے فائرنگ کی تھی،سوشل میڈیا پر وائرل ویڈیو میں ملزم مبین اپنے تایا زاد پر فائرنگ کر رہا تھا،ملزم کا تایا زاد بھائی گاؤں برج کا رہائشی ہے جس کا نام سیف اللہ ہے جو کہ اس کی فائرنگ سے شدید زخمی ہے اور زیر علاج ہے
یہ بھی پڑھیں
قصور:ملزم کی نوجوان پر سیدھی فائرنگ,دو مرتبہ قتل کی کوشش،پوری فیملی کو قتل کرنے کی دھمکیاں، ویڈیو وائرل

سفاک ملزم نے سیف اللہ کی ٹانگوں میں 8 گولیاں ماریں جس سے وہ زخمی ہو گیا تھا ،22 جولائی کو ہونے والے اس وقوعہ پر فوری مقدمہ درج کیا گیا تھا جس کا مرکزی ملزم ملزم مبین مفرور تھا،گرفتار ملزم کا اپنے تایا زاد سیف اللہ وغیرہ کیساتھ زمین کا تنازعہ چلا آ رہا تھا

پولیس نے سیف اللہ کی بہن کی مدعیت میں مقدمہ درج کیا تھا،اب تھانہ گنڈا سنگھ پولیس نے ملزم کو حراست میں لیکر تفتیش شروع کر دی ہے