اینٹی کرپشن حراست سے پی ٹی آئی رکن اسمبلی کو نامعلوم افراد چھڑا کر فرار

گجرات میں نامعلوم افراد تحریک انصاف کے رکن قومی اسمبلی امتیاز چوہدری کو اینٹی کرپشن کی حراست سے چھڑا کر فرار ہوگئے ہیں

سرکل آفیسر اینٹی کرپشن آفتاب حیدر کے مطابق گجرات کے علاقے شادیوال روڈ پرکارسوار افراد نے گاڑی پر حملہ کیا، گولیاں چلائیں اور اسکے بعد گاڑی میں سوار رکن قومی اسمبلی امتیاز چوہدری کو لے کر فرار ہونے میں‌کامیاب ہو گئے ہیں،اینٹی کرپشن حکام کے مطابق پی ٹی آئی رکن اسمبلی کو منڈی بہاؤالدین لے کر جایا جا رہا تھا جہاں انہیں عدالت میں پیش کیا جانا تھا،وہ جسمانی ریمانڈ پر تھے

پی ٹی آئی رہنما امتیاز چوہدری کو 25 جولائی کو ان کے گھر سے گرفتار کیا گیا تھا، ان پر ترقیاتی اسکیموں میں کِک بیکس کی وصولی کا الزام ہے۔

امتیاز چوہدری کی گرفتاری پر پی ٹی آئی رہنما عمر ایوب کا کہنا تھا کہ ہمارے ایم این اے چوہدری امتیاز کو اس وقت اٹھایا گیا جب وہ والدہ کو ملنے جا رہے تھے ہمارے شیخ وقاص ، احمد چٹھہ سمیت سب کے خلاف اینٹی کرپشن کو ایکٹیو کیا گیا ہے ہم اسکی مزمت کرتے ہیں،گزشتہ روز قومی اسمبلی اجلاس کے موقع پر پی ٹی آئی اراکین نے امتیازچوہدری کے پروڈکشن آرڈر جاری کرنے کا بھی مطالبہ کیا تھا.