محکمہ امیگریشن اور پاسپورٹ میں فنانس ڈویژن آفیسر کی ڈیپوٹیشن پر طلبی

امیگریشن اور پاسپورٹ کے محکمے کو مضبوط بنانے کے مقصد کے تحت، ڈائریکٹوریٹ جنرل آف امیگریشن اینڈ پاسپورٹ نے اقصیٰ جمال، جو اس وقت فنانس ڈویژن میں سیکشن آفیسر (BPS-18) کے طور پر خدمات انجام دے رہی ہیں،کو عارضی طور پر محکمہ امیگریشن میں تعینات کرنے کی درخواست کی ہے

29 جولائی 2024 کو جاری کردہ ایک خط کے مطابق، ڈائریکٹوریٹ جنرل نے اقصیٰ جمال کی تین سال کی مدت کے لیے اسلام آباد میں محکمہ امیگریشن اینڈ پاسپورٹ (ہیڈ کوارٹرز) میں تعیناتی کے لیے اسٹیبلشمنٹ ڈویژن سے منظوری طلب کی ہے۔ امیگریشن اینڈ پاسپورٹ ڈیپارٹمنٹ کے کاموں کو بڑھانے کے لیے فنانس ڈویژن میں اقصیٰ جمال کی مہارت اور تجربے سے فائدہ اٹھانا چاہتی ہے۔

اس اقدام کو شہریوں کو موثر خدمات کی فراہمی کو یقینی بناتے ہوئے کلیدی محکموں کے کام کاج کو ہموار اور بہتر بنانے کی حکومت کی کوششوں کے ایک حصے کے طور پر دیکھا جاتا ہے۔ڈیپوٹیشن کی اگر منظوری دی گئی، تومعیاری شرائط و ضوابط پر ہوگی،

رپورٹ،زبیر قصوری،اسلام آباد