اوچ شریف :قادیانیوں کے حق میں فیصلہ سے مسلمانوں کی دل آزاری ہوئی،یاسین سومرو

اوچ شریف، باغی ٹی وی( نامہ نگار حبیب خان)اوچ شریف اہل سنت والجماعت کے سربراہ الحاج علام یاسین سومرو سمیت دیگر علامہ مفتی سراج احمد سعیدی،علامہ مفتی عبدالستار سعیدی،علامہ محمداحمد سعیدی، علامہ سید شاہد فاروق شاہ ، علامہ عبدالغفور چشتی ، علامہ صاحبزادہ محمداحمد رضا، علامہ مفتی وقاص سعیدی، محمد اظہر عطاری، چوہدری محمد فیاض سعیدی ودیگر نےکہاہے کہ عدالت عظمیٰ کی جانب سے قادیانیوں کے حق میں فیصلہ سے مسلمانوں کی دل آزاری ہوئی ہے ۔ہم اس کو کسی صورت برداشت نہیں کرتے اورختم نبوت کو اپنے ایمان کا حصہ سمجھتے ہیں۔

ان خیالات کا اظہار انہوں نے پریس کانفرنس کرتے ہوئےکیا،انہوں نے کہا کہ ختم نبوت کے لئے تمام مسلمان قربانی دینے کے لئے تیار ہیں سب کچھ برداشت کرسکتے ہیں لیکن ختم نبوت کے بارے کوئی فیصلہ برداشت نہیں کریں گے ختم نبوت ہمارے دین کا حصہ ہے قادیانیوں کو کسی صورت مسلمان تسلیم نہیں کرتے کیونکہ وہ دائرہ اسلام سے خارج ہیں، سپریم کورٹ کے فیصلے کی کوئی حیثیت نہیں ہم اس کی بھر پور مذمت کرتے ہیں اور اس کے خلاف بھر پور تحریک چلائیں گے۔

دائرہ اسلام سے خارج لوگ کسی صورت مسلمان نہیں ہوسکتے سپریم کورٹ اپنے فیصلے پر نظر ثانی کرتے ہوئے اسے واپس لینا چاہئے بصورت دیگر ملک میں حالات خراب ہوں گے جس کی تمام تر ذمہ داری متعلقہ حکام پر عائد ہوگی.