جامشورو: حیدرآباد کی عدالت میں پسند کی شادی کےجوڑے کی پریس کلب میں پریس کانفرنس
![](https://baaghitv.com/wp-content/uploads/2024/07/WhatsApp-Image-2024-07-31-at-3.13.38-PM-jpeg.webp)
نوری آباد،باغی ٹی وی (نامہ نگاراللہ وسایا پالاری)حیدرآباد کی عدالت میں پسند کی شادی کےجوڑے کی پریس کلب میں پریس کانفرنس
تفصیل کے مطابق ٹنڈو آدم سے تعلق رکھنے والی لڑکی صغریٰ اور مٹیاری کے خالد حسین مری نے حیدرآباد کی عدالت میں شادی کرنے کے بعدشادی شدہ جوڑے نے سندھ پریس کلب کوٹری ایٹ جامشورو پہنچ کر پریس کانفرنس کرتے ہوئے نوبیاہتا لڑکی صغریٰ نے کہا کہ میں نے خالد حسین مری سے حیدرآباد کی عدالت میں نکاح کیا ہے جس کی اجازت اسلام اور پاکستان کا قانون دیتا ہے
لڑکی نے کہاکہ میں اپنی رضا اورخوشی سے پسند کی شادی کی ہے مگر میرے بھائی آصف کھوکھر، امتیاز کھوکھر، چچا حاجی صاحب علی گل کھوکھر اور مرتضیٰ کھوکھر اور سوتیلےبھائی علی حسن اور رمضان کھوکھر جان کے دشمن بن بیٹھے ہیں ہماری جان کو خطرہ ہے
لڑکی نے آئی جی سندھ اور اعلیٰ افسران سےاپیل کرتے ہوئے کہاکہ کہ مجھے اور میرے شوہر کو تحفظ فراہم کیا جائے ۔ تاکہ ہم اپنی زندگی بلاخوف وخطر سکون سے بسر کر سکیں.