![](https://baaghitv.com/wp-content/uploads/2024/07/WhatsApp-Image-2024-07-31-at-4.47.30-PM-jpeg.webp)
سیالکوٹ ،باغی ٹی وی (بیوروچیف شاہد ریاض سے)سیکرٹری اسپیشلائزڈ ہیلتھ کیئر اینڈ میڈیکل ایجوکیشن پنجاب علی جان خان کا گورنمنٹ علامہ اقبال میموریل ٹیچنگ ہسپتال سیالکوٹ کا اچانک دورہ، ٹراما سنٹر اور میڈیکل وارڈز میں زیر علاج مریضوں کی عیادت کی اور طبی سہولیات کی بابت استفسار کیا۔
اس موقع پر ڈپٹی کمشنر سیالکوٹ محمد ذوالقرنین اور ایم ایس بھی موجود تھے۔ سیکرٹری ہیلتھ کیئر نے نرسنگ سکول کو بھی دورہ کیا۔ سیکرٹری ہیلتھ نے علامہ اقبال ٹیچنگ ہسپتال کی ری ویمپنگ کے منصوبے کا جائزہ لیا اور ہدایت کی کہ وہ ری ویمپنگ میں رہ جانے والے سکوپ آف ورک کو مکمل کیا جائے اور معیار کو یقینی بنایا جائے۔
انہوں نے بلڈنگ ڈیپارٹمنٹ کے مقامی حکام کو سردار بیگم ٹیچنگ ہسپتال کی ری ویمپنگ کے منصوبے کو مقررہ ٹائم لائن کے اندر تکمیل کو یقینی بنائیں۔ ڈپٹی کمشنر محمد ذوالقرنین نے سیکرٹری ہیلتھ کو بریفنگ دیتے ہوئے بتایا کہ وزیر اعلی پنجاب کی ہدایت کے مطابق سردار بیگم ٹیچنگ ہسپتال کی ری ویمپنگ کے منصوبے پر جاری تعمیراتی کام کا باقاعدگی سے معائنہ کررہے ہیں۔