وزیر دفاع خواجہ آصف کا جنرل باجوہ کے سسر کے گھر فیض حمید سے ملاقات کا انکشاف
![khwaja asif](https://baaghitv.com/wp-content/uploads/2023/12/khwajaasif-11-905x613.jpeg)
وزیر دفاع خواجہ آصف نے انکشاف کیا ہے کہ اپریل 2019 میں لیفٹیننٹ جنرل فیض حمید سے جنرل باجوہ کے سسر کے گھر ایک اہم ملاقات ہوئی تھی۔ اس ملاقات میں فیض حمید نے جون میں پنجاب حکومت اور دسمبر میں وفاقی حکومت کی پیشکش کی تھی۔خواجہ آصف نے ایک نجی ٹی وی پروگرام میں گفتگو کرتے ہوئے بتایا کہ یہ ملاقات بیس منٹ تک جاری رہی۔ فیض حمید نے کہا کہ ہم بانی پی ٹی آئی سے تنگ آگئے ہیں اور انہیں ایکسپوز کر دیا گیا ہے، اور ان پر اب کوئی اعتماد نہیں کرتا۔ خواجہ آصف نے کہا کہ فیض حمید نے پوچھا کہ آپ کی شرائط کیا ہیں؟ جس پر میں نے جواب دیا کہ ہماری کوئی شرائط نہیں، ہم تو ہدایات کے منتظر ہیں۔ وزیر دفاع نے مزید کہا کہ انہوں نے جنرل باجوہ کی توسیع کے حوالے سے بھی گفتگو کی تھی اور ہم نے انہیں توسیع دی بھی۔اس ملاقات کے انکشاف سے ملک کی سیاسی حلقوں میں ہلچل مچ گئی ہے اور یہ بات چیت مختلف تجزیوں کا موضوع بن گئی ہے۔