امیر جماعت اسلامی حافظ نعیم الرحمان کراچی روانہ، دھرنے کے شرکاء سے خطاب کریں گے

امیر جماعت اسلامی حافظ نعیم الرحمان کراچی روانہ ہو گئے ہیں، جہاں وہ گورنر ہاؤس کے باہر جاری دھرنے کے شرکاء سے خطاب کریں گے۔حافظ نعیم الرحمان کا کہنا تھا کہ پاکستان کو موجودہ بحران سے نکالنے کے لئے جماعت اسلامی کا دھرنا کامیابی سے جاری ہے۔ انہوں نے کہا کہ کراچی میں جاری دھرنا قومی دھرنے کی شکل اختیار کر چکا ہے اور اس میں تاجر، صنعت کار، تنخواہ دار طبقہ اور خواتین بھی شامل ہو چکے ہیں۔امیر جماعت اسلامی نے اپنے بیان میں کہا کہ ان کے دھرنے سے عوام میں امید اور خوشحال مستقبل کا احساس پیدا ہوا ہے۔ انہوں نے کہا کہ پاکستان اس وقت آئینی اور پارلیمانی بحران سے دو چار ہے اور حکومت کی رٹ ختم ہو چکی ہے۔
حافظ نعیم الرحمان نے کہا کہ پارلیمنٹ میں سیٹوں کو بلڈوز کر کے میڈیا پر بیٹھ کر حکمرانی کی جارہی ہے۔ آئین کو پامال کیا جارہا ہے اور قومی معیشت سے کھلواڑ کیا جارہا ہے۔ ان کا کہنا تھا کہ پاکستان کے مقاصد کو ختم کر دیا گیا ہے اور جماعت اسلامی کے کارکنان ملی جذبے سے دھرنے میں شریک ہیں۔
دھرنے کے حوالے سے حافظ نعیم الرحمان کا کہنا تھا کہ جماعت اسلامی نے کراچی میں گورنر ہاؤس کے باہر دھرنا دے رکھا ہے، جس میں ہر طبقہ زندگی سے تعلق رکھنے والے لوگ شامل ہو رہے ہیں۔ انہوں نے کہا کہ دھرنے کا مقصد عوامی مسائل کو اجاگر کرنا اور حکومت پر دباؤ ڈالنا ہے تاکہ ملک کو موجودہ بحران سے نکالا جا سکے۔جماعت اسلامی کے دھرنے کے شرکاء سے خطاب کرتے ہوئے حافظ نعیم الرحمان نے کہا کہ ملک کی اقتصادی صورتحال انتہائی خراب ہو چکی ہے اور عوام مہنگائی، بے روزگاری اور دیگر مسائل سے دوچار ہیں۔ انہوں نے کہا کہ حکومت کو عوامی مسائل حل کرنے کے لئے فوری اقدامات کرنے ہوں گے۔امیر جماعت اسلامی کا کہنا تھا کہ جماعت اسلامی کا دھرنا اس وقت تک جاری رہے گا جب تک حکومت عوامی مسائل حل کرنے کے لئے سنجیدہ اقدامات نہیں کرتی۔ انہوں نے کہا کہ دھرنے کے شرکاء کے حوصلے بلند ہیں اور وہ ملکی بحران کے حل کے لئے پوری طرح پرعزم ہیں۔
اسی موقع پر نائب امیر جماعت اسلامی لیاقت بلوچ نے کہا ہے کہ حکومت مذاکرات کے بعد عملاً فرار کا راستہ اختیار کر رہی ہے۔ ایک بیان میں لیاقت بلوچ نے کہا کہ مسلم لیگ ن، پی پی پی اور ایم کیو ایم عوام کے مقابلے میں نہیں ٹہر سکیں گے۔ انہوں نے کہا کہ عوام کو ریلیف نہ دینے سے حکومت ملک کو افراتفری کا شکار کر رہی ہے۔لیاقت بلوچ کا کہنا ہے کہ سی پیک پاک چین دوستی کا ثمر ہے، جماعت اسلامی سی پیک کی حامی ہے، حکومت سی پیک پر اپنی سیاست بند کرے۔