کشمور،باغی ٹی وی (نامہ نگارمختیار احمد اعوان) پورے ملک کی طرح کشمور میں بھی 5 اگست کو بھارتی زیر قبضہ کشمیر کی خصوصی حیثیت ختم کرنے کے خلاف یوم استحصال کشمیر منایا گیا۔ اس موقع پر ڈپٹی کمشنر کشمور کے دفتر سے ایک بڑی ریلی نکالی گئی۔
ریلی میں سیاسی و سماجی رہنماؤں، اساتذہ، وفاقی اور صوبائی اداروں کے سربراہان اور شہریوں نے بڑی تعداد میں شرکت کی۔ شرکاء نے ہاتھوں میں پلے کارڈز اور بینرز اٹھا کر کشمیر کی آزادی اور بھارت کے مظالم کے خلاف نعرے لگائے۔ پاکستان اور کشمیر کے پرچم بھی لہرائے گئے۔
اس موقع پر ڈپٹی کمشنر کشمور امیر فضل اویسی اور اسسٹنٹ کمشنر نے خطاب کرتے ہوئے کہا کہ کشمیر پاکستان کی شہ رگ ہے۔ پاکستانی قوم کشمیریوں کی سیاسی، اخلاقی اور خودارادیت کی حمایت جاری رکھے گی۔ ہم پوری دنیا کو بتانا چاہتے ہیں کہ کشمیر پاکستان کا اٹوٹ انگ ہے۔
پولیس نے ریلی کو سیکیورٹی فراہم کی اور صحافیوں نے اس واقعے کو کوریج دے کر اپنا اہم کردار ادا کیا۔
Leave a reply
