منڈی بہاؤالدین:ڈپٹی کمشنر کی زیر صدارت اجلاس یوم آزادی کی تیاریوں کا جائزہ لیا گیا
![](https://baaghitv.com/wp-content/uploads/2024/08/mb-din-jpg.webp)
منڈی بہاؤالدین ،باغی ٹی وی( نامہ نگار افنان طالب)ڈپٹی کمشنر شاہد عمران مارتھ کی زیر صدارت 14اگست یوم آزادی پاکستان کی تیاریوں کے حوالے سے اجلاس منعقد ہوا۔
اجلاس میں یوم آزادی پاکستان بھر پور طریقے سے منانے کی تیاریوں کے حوالے سے گفتگو ہوئی۔ڈپٹی کمشنر نے متعلقہ افسران کو ضروری ہدایات جاری کیں۔
ڈپٹی کمشنر شاہد عمران مارتھ کا کہنا تھا کہ یوم آزادی پاکستان قومی جوش وجذبے سے منایاجائے گا۔اس دن کی مناسبت سے ضلع بھر میں مختلف تقریبات کاانعقاد کیا جائے گا۔
ان تقریبات میں پرچم کشائی، سکولوں اور کالجز میں تقاریری مقابلہ جات، ٹیبلوز، ملی نغمے، مختلف کھیلوں کے مقابلہ جات، بازاروں کی سجاوٹ اور دیگر تقریبات شامل ہوں گی۔
ڈپٹی کمشنر کا کہنا تھا کہ 14اگست کا دن ہمارے لیئے انتہائی اہم ہے، ہمارے بزرگوں نے مسلسل جدوجہد اور قربانیوں کے بعد ہمیں ایک الگ اور خود مختار ملک دیا اور ہمیں اس آزادی کی قدرکرناچائیے۔