قصور : پولیس مقابلہ، ایک ڈاکو زخمی، تین فرار
![](https://baaghitv.com/wp-content/uploads/2023/10/Punjab-Police-mobile.jpg)
قصور،باغی ٹی وی (بیوروچیف غنی محمود) تھانہ چھانگا مانگا کے علاقے لکھوی پل کے قریب پولیس اور ڈاکوؤں کے مابین ایک مقابلہ ہوا ہے۔ اس مقابلے میں ایک ڈاکو اپنے ہی ساتھیوں کی فائرنگ سے زخمی ہو گیا ہے جبکہ تین ملزم فرار ہونے میں کامیاب ہو گئے ہیں۔
تفصیلات کے مطابق تھانہ چھانگا مانگا پولیس زیرِ حراست ڈاکو کو مقدمے میں برآمدگی کے بعد واپس لے کر آ رہی تھی کہ اچانک ملزم کے تین ساتھیوں نے لکھوی پل کے قریب حملہ کر دیا۔ حملہ آوروں نے پولیس پر فائرنگ کی جس سے زیرِ حراست ڈاکو زخمی ہو گیا۔ حملہ آور ملزم رات کی تاریکی کا فائدہ اٹھا کر فرار ہو گئے۔
زخمی ڈاکو کی شناخت غلام عباس سکنہ وہاڑی کے طور پر ہوئی ہے۔ وہ گردونواح میں ڈکیتی کے متعدد مقدمات میں ملوث تھا اور پولیس نے اسے چند روز قبل ڈکیتی کے دوران رنگے ہاتھوں پکڑا تھا۔
تھانہ چھانگا مانگا پولیس نے فرار ہونے والے ملزمان کی گرفتاری کے لیے خصوصی ٹیمیں تشکیل دے دی ہیں۔