اسلام آباد: نیشنل ویمنز فٹبال کلب چیمپئن شپ 2024 کا فائنل گروپ مرحلہ آج جناح اسپورٹس کمپلیکس، اسلام آباد میں مکمل ہو گیا۔ لیگیسی ایف سی نے ٹی ڈبلیو کے کو 3-0 سے شکست دے کر سیمی فائنل میں جگہ بنا لی۔ لیگیسی ایف سی کی ایمن، کائنات اور علینا نے ایک ایک گول کیا۔آخری گروپ میچ میں، ہزارہ کوئٹہ ایف سی نے ہائی لینڈرز ایف سی کو 2-1 سے شکست دے کر فتح اپنے نام کی۔ ہزارہ کی جانب سے فرشتہ اور صادقہ گول اسکورر رہیں جبکہ ہائی لینڈرز کی جانب سے واحد گول سوسان نے کیا۔
نیشنل ویمنز فٹبال کلب چیمپئن شپ 2024 کے پہلے سیمی فائنل میں کراچی یونائیٹڈ اور لیگیسی ڈبلیو ایف کی ٹیمیں شام 5:30 بجے آمنے سامنے ہوں گی۔ دوسرے سیمی فائنل میں کراچی سٹی ایف سی کا مقابلہ ہزارہ کوئٹہ ڈبلیو ایف سی سے رات 8:30 بجے ہوگا۔ دونوں میچز 8 اگست (جمعرات) کو جناح فٹبال اسٹیڈیم، اسلام آباد میں ہوں گے۔یہ چیمپئن شپ پاکستان میں خواتین کے فٹبال کو فروغ دینے اور کھیل کے معیار کو بلند کرنے کے لیے منعقد کی جاتی ہے۔ سیمی فائنل مقابلے شائقین کے لیے دلچسپی کا باعث ہوں گے اور بہترین ٹیموں کے درمیان سخت مقابلہ متوقع ہے۔
Leave a reply
