میہڑ: فائرنگ کا واقعہ، ایک شخص جاں بحق دوسرا زخمی
![](https://baaghitv.com/wp-content/uploads/2024/01/crime-scene-e-bullet-jpg.webp)
میہڑ،باغی ٹی وی (نامہ نگار منظور علی جوئیہ)میہڑ کے نواحی علاقے متھی عالیوال میں دیرینہ تنازعہ پر چانڈیہ برادری کے دو گروہوں میں پرتشدد جھگڑا اور فائرنگ کا واقعہ پیش آیا ہے۔ اس افسوسناک واقعے میں دلبر علی چانڈیو موقع پر ہی جاں بحق ہو گئے، جبکہ ان کے بھائی سینگار علی چانڈیو شدید زخمی ہو گئے۔
واقعے کی اطلاع ملتے ہی دونوں افراد کو فوری طور پر تحصیل ہسپتال میہڑ منتقل کیا گیا۔ سینگار علی کی حالت تشویشناک ہونے کے باعث انہیں مزید علاج کے لیے لاڑکانہ ہسپتال منتقل کر دیا گیا ہے۔
آخری اطلاعات آنے تک پولیس اطلاع کے باوجود موقع پر نہ پہنچ سکی اور نہ ہی دلبر علی چانڈیو کی لاش کو قانونی کارروائی اور پوسٹ مارٹم کیا گیا ہے پولیس کے غیرذمہ دارانہ رویہ اور تساہل پر ورثاء اضطراب کی کیفیت میں مبتلا ہیں .