ارشد ندیم کو گولڈ میڈل سے نواز دیا گیا

پیرس اولمپکس 2024 میں جیولن تھرو کے مقابلے میں تاریخ رقم کرتے ہوئے پاکستان کے ارشد ندیم کو گولڈ میڈل سے نوازا گیا۔ یہ لمحہ نہ صرف ارشد ندیم بلکہ پورے پاکستان کے لیے فخر کا باعث بنا۔میڈلز کی تقسیم کی تقریب کے دوران گرینیڈا کے اینڈرسن پیٹرز کو برانز میڈل، جبکہ بھارت کے نیرج چوپڑا کو سلور میڈل دیا گیا۔ تاہم، ارشد ندیم نے اپنی شاندار کارکردگی سے سب کو پیچھے چھوڑتے ہوئے 92.97 میٹر کی تھرو کے ساتھ نیا اولمپک ریکارڈ قائم کیا اور گولڈ میڈل جیتا۔اس تاریخی کامیابی کے موقع پر پیرس میں پاکستانی پرچم فخر سے بلند ہوا اور قومی ترانہ بجایا گیا۔ جیسے ہی قومی ترانہ کی دھن فضا میں گونجی، ارشد ندیم کی آنکھیں نم ہوگئیں، ان کے چہرے پر خوشی اور فخر کے جذبات عیاں تھے۔ ارشد ندیم کی اس شاندار کامیابی نے پوری قوم کو خوشی سے سرشار کر دیا ہے، اور ان کے اس کارنامے کو ہمیشہ یاد رکھا جائے گا۔ ان کی محنت، عزم اور لگن نے انہیں اولمپکس کے سب سے بڑے اسٹیج پر نہ صرف پاکستان بلکہ پوری دنیا کے سامنے سرخرو کیا ہے۔