بجلی کے بل موت کے پروانے، ایک اور خود کشی

بجلی کے بل موت کے پروانے ثابت ہونے لگے، ایک اور نوجوان نے بل کی وجہ سے خود کشی کر لی

واقعہ پنجاب کے شہر چشتیاں میں پیش آیا، بجلی کا بل زیادہ آیا تو بھائی نے دوسرے بھائی کو آدھا بل دینے کو کہا، بھائی نے کم پیسے دیئے تو بھائی نے کمرے کی بجلی کاٹ دی، واقعہ چشتیاں کے بھٹہ کالونی میں پیش آیا، بجلی کے پیسےکم دینے اور پھر بجلی کٹ جانے کے بعد نوجوان نے دلبرداشتہ ہو کر خود کشی کر لی،نوجوان نے زہریلی گولیاں کھا لیں اور اپنی زندگی کا خاتمہ کر لیا

خود کشی کرنے والے نوجوان کی شناخت ساجد کے طور پر ہوئی، نوجوان کو بیہوشی کی حالت میں ہسپتال منتقل کیا گیاتا ہم وہ جان کی بازی ہار گیا

واضح رہے کہ بجلی کی زائد بلوں‌کی وجہ سے شہری پریشان ہیں، بل اتنے آ رہے ہیں کہ انکی ادائیگی کے لئے شہریوں کو گھروں کا سامان فروخت کرنا پڑ رہا ہے، گزشتہ دنوں گوجرانوالہ میں بھی ایک ایسا ہی واقعہ پیش آیا تھا جس میں خاتون نے خود کشی کر لی تھی، ایک اور واقعہ میں بل نہ دینے پر بھائی نے بھائی کی جان لے لی تھی.