مظاہرین ایک ہفتے تک غیر قانونی اسلحہ جمع کروا دیں،عبوری حکومت کا حکم
![bangla](https://baaghitv.com/wp-content/uploads/2024/08/bangalar-905x613.png)
بنگلہ دیش کی عبوری حکومت نے مظاہرین پر زور دیا ہے کہ وہ ایک ہفتے کے اندر اپنے تمام غیر قانونی اسلحہ حکومت کو جمع کروا دیں
بنگلہ دیش کی عبوری حکومت کے امور داخلہ کے مشیر بریگیڈیئر جنرل (ر) ایم سخاوت حسین نے پیر کو مظاہرین سے کہا کہ وہ 19 اگست تک تمام غیر قانونی اور غیر مجاز آتشیں ہتھیار، بشمول حالیہ تشدد کے دوران قانون نافذ کرنے والوں سے لوٹی گئی رائفلیں حکومت کو جمع کروا دیں، اگر اسلحہ قریبی تھانوں کو واپس نہیں کیا گیا، تو حکام تلاشی لیں گے اور اگر کسی کے پاس غیر مجاز اسلحہ پایا گیا تو ان کے خلاف مقدمات درج کئے جائیں گے،
بریگیڈیئر جنرل (ر) ایم سخاوت حسین کمبائنڈ ملٹری ہسپتال میں نیم فوجی بنگلہ دیشی انصار کے ارکان کی عیادت کے بعد صحافیوں سے بات کر رہے تھے جو بڑے پیمانے پر احتجاج کے دوران زخمی ہوئے تھے جس کی وجہ سے شیخ حسینہ کی برطرفی ہوئی تھی۔بریگیڈیئر جنرل (ر) ایم سخاوت حسین کا کہنا تھا کہ احتجاج کے دوران طلباء سمیت 500 کے قریب افراد ہلاک اور کئی ہزار زخمی ہوئے۔ "ویڈیو میں ایک نوجوان کو 7.62 ایم ایم کی رائفل چھینتے ہوئے دیکھا گیا تھا۔ اس کا مطلب ہے کہ رائفل واپس نہیں کی گئی تھی۔ وہ شہری لباس میں ملبوس نوجوانوں کی شناخت کے لیے تحقیقات کریں گے جنہوں نے انصار کے ارکان پر فائرنگ کی۔تاہم، انہوں نے میڈیا آؤٹ لیٹس کو بند کرنے کے بارے میں کل کے تبصروں کو مسترد کر دیا ا ور کہا کہ میں نے غصے سے کہا یہ میرا کام نہیں ہے۔ "میں کبھی بھی کسی میڈیا کو بند کرنے کی حمایت نہیں کرتا ہوں”۔
حسینہ واجد کی پسندیدہ بلی 40 ہزار میں فروخت
امریکی دباؤ اور خونریزی کے خوف نے مستعفی ہونے پر مجبور کیا ، شیخ حسینہ واجد کا انکشاف
پاکستان دشمن حسینہ کا بیٹا بھی عمران خان کی طرح” یوٹرن” ماسٹر نکلا
میری ماں اب بھی بنگلہ دیش کی وزیراعظم ہے،حسینہ کے بیٹے کا دعویٰ
حسینہ کی بھارت میں 30 ہزار کی شاپنگ،پیسے ختم ہو گئے
در بدر کے ٹھوکرے: شیخ حسینہ واجد کی سیاسی سفر کا المناک انجام
حسینہ کی حکومت کا بد ترین خاتمہ،مودی کی سفارتی سطح پر ایک اور بڑی ناکامی
ہم پاکستان کے ساتھ جانا پسند کریں گے۔ بنگلہ دیشی شہریوں کا اعلان
بنگالی "حسینہ”مشکل میں،امریکی ویزہ منسوخ،سیاسی پناہ کیلیے لندن سے نہ ملا جواب
بنگلہ دیش،طلبا کی ڈیڈ لائن ختم ہونے سے قبل ہی پارلیمنٹ تحلیل