![](https://baaghitv.com/wp-content/uploads/2024/08/ppp-jpg.webp)
اوچ شریف (باغی ٹی وی نامہ نگار حبیب خان): پیپلز پارٹی نے یوم آزادی کی تقریب منعقد کی اور کیک کاٹاگیا
پاکستان پیپلز پارٹی بہاولپور ڈویژن کے صدر اور سابق وفاقی پارلیمانی سیکرٹری مخدوم سید علی حسن گیلانی نے کہا ہے کہ پاکستان کی تحریک آزادی ایک پرامن سیاسی جدوجہد تھی۔ انہوں نے یہ بات اپنی رہائش گاہ پر یوم آزادی کے موقع پر منعقدہ ایک تقریب میں کہی۔
مخدوم سید علی حسن گیلانی نے کہا کہ قائد اعظم محمد علی جناح کے زیرِ قیادت ہمارے آباؤ اجداد نے آنے والی نسلوں کی خاطر سامراج کی زنجیریں توڑیں۔ انہوں نے کہا کہ انسانی وقار کا احترام اور انسانی ذات کی ترقی کی ضمانت جمہوریت کے علاوہ اور کوئی نظام نہیں دیتا۔
اس موقع پر تقریب میں پاکستان کی سالگرہ کا کیک کاٹا گیا اور ملکی ترقی و خوشحالی کے لیے دعا مانگی گئی۔ تقریب کے بعد ولی عہد چیف آف سادات مخدوم سید حسنات مزمل بخاری نے بھی کیک کاٹا اور پاکستان سمیت مظلوم فلسطینیوں کے لیے دعا فرمائی۔