اوچ شریف: معروف شخصیت کی والدہ محترمہ کے انتقال پر قرآن خوانی کا اہتمام کیا گیا

اوچ شریف،باغی ٹی وی (نامہ نگارحبیب خان)اوچ شریف کی نامور معروف شخصیت حاجی محمد اقبال پہلوان کی اہلیہ، محمد شہباز اقبال، محمد صدام اقبال اور کاٹھیہ لا چیمبر کے نامور قانون دان سلمان اقبال ایڈووکیٹ کی والدہ محترمہ کے انتقال پر ان کے آبائی گھر اقبال آباد میں روحانی محفل قرآن خوانی کا اہتمام کیا گیا۔

اس بڑے اجتماع سے خطاب کرتے ہوئے مولانا دیوان گل حسن، مولانا اسد اللہ مدنی اور قاری محمد عمر نے کہا کہ ماواں ٹھنڈیاں چھاواں ہوتی ہیں۔ انہوں نے موت و حیات پر بیان کرتے ہوئے کہا کہ موت کا ذائقہ ہر ذی شعور نے چکھنا ہے۔ ماں خدا کا دوسرا روپ ہوتی ہے اور ماں باپ کا فرمانبردار دنیا اور آخرت میں اجر عظیم پاتا ہے۔

اس قرآن خوانی میں اہم سیاسی، سماجی شخصیات نے شرکت کی جس میں سابق ایم این اے پارلیمانی سیکرٹری مخدوم سید علی حسن گیلانی، جنرل سیکرٹری بار احمد پور شرقیہ چوہدری فاروق عزیز ایڈووکیٹ، راؤ محمد نعیم، شہزاد ایڈووکیٹ، محمد عمران سندھو ایڈووکیٹ، محمد عبداللہ قریشی ایڈووکیٹ، خورشید احمد بلوچ ایڈووکیٹ، شاہد اقبال بلوچ ایڈووکیٹ، شاہد تنویر ایڈووکیٹ، ظفر ندیم ایڈووکیٹ، ڈاکٹر سعید احمد اور اوچ شریف کے سینیئر صحافی میاں محمد عامر صدیقی، سید خواجہ سہیل محمود الحسن، عمران دانش بڈانی، علی حسین جلوانہ، ملک ظہور بگو کونسلر، ملک صدام کھنڈ کلرک، محمد لقمان چنڑ، محمد جاوید اور قلم دوست گروپ کے بانی اےڈی خان جلوانہ کے علاوہ معززین علاقے نے کثیر تعداد میں شرکت کی۔

والدہ مرحومہ مغفورہ کے درجات بلندی کے لیے مخدوم سید علی حسن گیلانی نے آخر میں بابرکت دعائے مغفرت کرائی۔