آرمی چیف جنرل سید عاصم منیر 16 اگست کو ارشد ندیم کے اعزاز میں خصوصی تقریب منعقد کریں گے
![army chief](https://baaghitv.com/wp-content/uploads/2024/08/asim-munir.arshid-905x613.webp)
پاکستان کے قومی ہیرو اور گولڈ میڈلسٹ ارشد ندیم کو نشانِ امتیاز (ملٹری) کے اعزاز میں جمعہ، 16 اگست کو جنرل ہیڈ کوارٹرز (جی ایچ کیو) راولپنڈی میں ایک خصوصی تقریب کا انعقاد کیا جائے گا۔ پاک فوج کے محکمہ تعلقات عامہ (آئی ایس پی آر) نے اس موقع پر جاری کردہ بیان میں کہا کہ یہ تقریب ارشد ندیم اور ان کے اہلخانہ کے اعزاز میں منعقد کی جائے گی۔بیان کے مطابق، اس خصوصی تقریب کا مقصد ارشد ندیم کی کھیلوں میں شاندار صلاحیتوں کا اعتراف اور ان کی حوصلہ افزائی کرنا ہے۔ ارشد ندیم نے گولڈ میڈل جیت کر نہ صرف قوم کی توقعات پر پورا اترا بلکہ ملک کا نام بھی روشن کیا۔ ان کی کامیابی کو قومی سطح پر سراہا جائے گا اور انہیں نشانِ امتیاز (ملٹری) سے نوازا جائے گا۔
آئی ایس پی آر کے مطابق، گولڈ میڈلسٹ ارشد ندیم کھیلوں کی دنیا میں پاکستان کی نوجوان نسل کے لئے ایک مشعل راہ ثابت ہوں گے۔ ان کی کامیابی کھیلوں میں پاکستان کی نمائندگی کرنے والے نوجوانوں کے لیے ایک حوصلہ افزائی کا باعث ہے اور انہیں اپنے مقصد کے حصول میں مدد فراہم کرے گی۔ اس تقریب میں آرمی چیف جنرل سید عاصم منیر ارشد ندیم کی خدمات اور کامیابیوں کو سراہیں گے اور ان کے خاندان کو بھی خراجِ تحسین پیش کریں گے۔