پاکستان میں منکی پاکس کے پہلے مریض کی تصدیق

کوآرڈینیٹر براے صحت ڈاکٹر مختار بھرتھ کی قیادت میں ایم پاکس کے حوالے سے جائزہ اجلاس ہوا

ترجمان وزارت صحت کے مطابق اجلاس میں ڈی جی ہیلتھ ایگزیکٹو ڈایریکٹر این آئی ایچ اور دیگر ماہرین بھی شریک تھے،ویڈیو لنک پر صوبوں کے نمائندگان بھی شریک تھے،ڈایریکٹر بارڈر ہیلتھ سروسز نے ایئر پورٹس اور پوائنٹس آف انٹریز پر اقدامات بارے آگاہ کیا ،پاکستان میں ایم پاکس کا پہلا کیس کنفرم ہوگیا ہے،خیبرپختونخوا ضلع مردان میں ایم پاکس مشتبہ کیس کا رزلٹ پازیٹو آیا ،متاثرہ شخص خلیجی ملک سے آیا ہے ،متاثرہ شخص کی کانٹیکٹ ٹریسنگ شروع کر دی گئی ہے اور مزید لوگوں کے نمونے حاصل کیے جارہے ہیں

ڈاکٹر مختار احمد بھرتھ کا کہنا تھا کہ بارڈر ہیلتھ سروسز کو تمام پوائنٹس آف اینٹری پر سخت نگرانی کی ہدایت بھی کردی ھے ،لمحہ بہ لمحہ صورت حال کی کڑی نگرانی کی جارہی ھے،پاکستان میں ایم پاکس سے نمٹنے کیلیے اقدامات تسلی بخش ہیں ،ملک بھر میں صحت کا عملہ ایئرپورٹس پر سکریننگ اور سرویلنس کے نظام کی مانیٹرنگ کیلیے ایئرپورٹس کا وزٹ کرے گا ،اس اقدام سے ائیر پورٹس کے حکام کے ساتھ ساتھ صوبوں کے ساتھ کوارڈینیشن بھی مضبوط ہو گی ،ایئر پورٹس پر سکریننگ کا موثر اور جامع نظام موجود ھے ،وزارت صحت بارڈر ہیلتھ سروسز کا عملہ صوبوں کے ساتھ مکمل رابطے میں ہیں ،صوبائی حکومتیں بھی تمام تر ضروری اقدامات کو یقینی بنارہی ہیں،وزارت صحت عوام کو بیماروں اور وباؤں سے محفوظ رکھنے کیلیے عملی اقدامات کو یقینی بنارہی ہے

ترجمان وزارت قومی صحت کا کہنا تھا کہ ایم پاکس ایک نیا وائرس ہے اور اس کے پھیلاؤ کو روکنے کے لیے ضروری اقدامات کیے جا رہے ہیں۔ انہوں نے عوام سے اپیل کی کہ وہ گھبرانے کی بجائے احتیاطی تدابیر اختیار کریں اور اگر کسی میں علامات ظاہر ہوں تو فوراً ڈاکٹر سے رجوع کریں۔ایم پاکس کی علامات میں بخار، جسم پر دانے، سر درد، اور دیگر فلو جیسی علامات شامل ہیں۔ یہ وائرس ایک شخص سے دوسرے شخص میں قریبی رابطے کے ذریعے پھیل سکتا ہے، لہذا اس حوالے سے عوام کو احتیاط برتنے کی ہدایت کی گئی ہے۔حکومت پاکستان اور وزارت قومی صحت ملک میں اس بیماری کی روک تھام کے لیے ہر ممکن اقدامات کر رہے ہیں

منکی پاکس عالمی ایمرجنسی قرار،پاکستان بھی متحرک، اقدامات

 ممکنہ منکی پاکس کیسز اور بارڈر ہیلتھ سروسز ہدایات کی روشنی میں ایئرپورٹس پر حفاظتی انتظامات

 پاکستان میں منکی پاکس کا پہلا کیس سامنے آگیا،

 اسلام آباد میں منکی پاکس کے 20 مشتبہ کیسز رپورٹ 

کانگو وائرس کے مریض کی موت