حسینہ کے قریبی،سابق سیکرٹری کے گھر سے 3 کروڑ کی نقدی برآمد

بنگلہ دیش، حسینہ واجد کے قریبی سابق سیکرٹری شاہ کمال کے گھر سے 3 کروڑ کی نقدی برآمد ہوئی ہے

ڈھاکہ میٹروپولیٹن پولیس نے جمعہ کو دارالحکومت کے محمد پور علاقے میں بابر روڈ پر واقع ایک سابق سینئر سیکرٹری کے گھر سے تقریباً 3.11 کروڑ روپے مالیت کی مقامی اور غیر ملکی کرنسیوں سمیت بڑی رقم برآمد کی۔
ڈی ایم پی نے محمد پور میں چھاپہ مار کر مکان ے رقم برآمد کی۔ سابق سیکرٹری شاہ کمال جو حسینہ واجد کے انتہائی قریبی سمجھے جاتے ہیں کے گھر سے 3.1 کروڑ روپے سے زائد کی نقدی، 74,400 روپے کے پرائز بانڈز اور 10 لاکھ روپے سے زائد کی غیر ملکی کرنسی برآمد ہوئی ہے۔

ان غیر ملکی کرنسیوں میں 3000 امریکی ڈالر، 1320 ملائیشین رنگٹ، 2969 سعودی ریال، 4122 سنگاپوری ڈالر، 1915 آسٹریلین ڈالر، 35000 کورین یوآن اور 199 چینی یوآن برآمد ہوئے۔کمال شاہ ڈیزاسٹر مینجمنٹ اور ریلیف کی وزارت میں سابق سینئر سیکرٹری رہ چکے ہیں۔

دوسری جانب حسینہ واجد کے قریبی افسران کے خلاف کاروائیوں کا سلسلہ جاری ہے کئی افسران روپوش ہو چکے ہیں جن کی تلاش جاری ہے، طلبا تحریک میں شامل افراد حسینہ کے قریبی افراد کے گھروں تک بھی پہنچ رہے ہیں جن کو تالے لگے ہوئے ہیں.