سیالکوٹ: تیز رفتار ٹرالے نے موٹرسائیکل سوار نوجوان کو کچل ڈالا،موقع پرجاں بحق

سیالکوٹ (باغی ٹی وی بیوروچیف شاہد ریاض سے): تیز رفتار ٹرالے نے موٹرسائیکل سوار نوجوان کو کچل ڈالا،موقع پرجاں بحق

تھانہ ائیرپورٹ کے علاقہ سمبڑیال روڈ پر ایک دلخراش حادثے میں تیز رفتار ٹرالے نے 29 سالہ موٹرسائیکل سوار نوجوان کو کچل دیا۔ مقامی پولیس کے مطابق، متوفی علی نامی نوجوان سمبڑیال سے اگوکی جا رہا تھا جب یہ حادثہ پیش آیا۔

واقعے کی اطلاع ملتے ہی پولیس موقع پر پہنچی اور لاش اور ٹرالے کو قبضے میں لے کر تفتیش شروع کر دی۔ تاہم، ٹرالہ ڈرائیور حادثے کے بعد موقع سے فرار ہونے میں کامیاب ہو گیا۔ پولیس ترجمان کا کہنا ہے کہ ملزم کو جلد قانون کی گرفت میں لیا جائے گا۔