بالاکوٹ: مہانڈری میں پہاڑ سرکنے سے بستی خطرے میں، سیلاب کی تباہیوں کا سلسلہ جاری
![](https://baaghitv.com/wp-content/uploads/2024/08/kunhar.jpg)
بالاکوٹ(باغی ٹی وی رپورٹ) مہانڈری میں پہاڑ سرکنے سے بستی خطرے میں، سیلاب کی تباہیوں کا سلسلہ جاری
بالاکوٹ کے علاقے مہانڈری میں پہاڑ سرکنے کا خطرہ پیدا ہو گیا ہے جس سے مقامی بستی کے لوگ شدید خوفزدہ ہیں۔ مقامی لوگوں کا کہنا ہے کہ پہاڑ کے اوپر واقع مکانوں میں دراڑیں پڑ چکی ہیں اور پہاڑ سرکنے کے بعد علاقہ مکینوں کو اپنی جانیں بچانے کے لیے نقل مکانی پر مجبور ہونا پڑا ہے۔
ماہرین کا کہنا ہے کہ اگر پہاڑ دریائے کنہار میں گر گیا تو اس سے ایک بڑی جھیل بننے کا خطرہ ہے جو کہ مزید تباہی کا باعث بن سکتا ہے۔
یہ یاد رہے کہ مہانڈری میں 19 روز قبل آنے والے سیلاب سے ایک بڑی جھیل بن گئی تھی جس کا بند توڑنا ممکن نہیں ہو سکا۔ ماہرین کا خیال ہے کہ زیر زمین پانی جمع ہونے کی وجہ سے پہاڑ سرکنے کا یہ خطرہ پیدا ہوا ہے۔