خانقاہ شریف: نوجوان لڑکی لاپتہ، نہر میں ڈوبنے کا شبہ،ریسکیو آپریشن جاری
![](https://baaghitv.com/wp-content/uploads/2024/08/uch-Girl.jpg)
اوچ شریف ،باغی ٹی وی (نامہ نگار حبیب خان )خانقاہ شریف میں نوجوان لڑکی لاپتہ، نہر میں ڈوبنے کا شبہ،ریسکیو اپریشن جاری
تفصیل کے مطابق خانقاہ شریف، ضلع بہاولپور میں ایک افسوسناک واقعہ میں نوجوان لڑکی رضوانہ بی بی دختراقبال سکنہ موضع ڈیرہ مستی حاجی والا لاپتہ ہو گئی ہے۔
ریسکیو 1122 کے ترجمان کے مطابق ایک بندے کال کرکے بتایا کہ لڑکی صبح کے وقت اپنی والدہ کے ساتھ مویشیوں کی دیکھ بھال کے لیے گئی تھی لیکن بعد میں قریبی ششماہی نہر کی طرف چلی گئی۔ لڑکی کا دوپٹہ اور چپل نہر کے کنارے پائے گئے ہیں۔
ریسکیو 1122 نے اطلاع ملنے پر کنٹرول روم نے فوری طور پر سروس روانہ کر دی۔ تاہم، ابھی تک کوئی چشم دید گواہ نہیں ملا جو یہ بتا سکے کہ لڑکی کو نہر میں جاتے ہوئے دیکھا گیا ہے۔
تاہم ریسکیو اہلکار لڑکی کی بازیابی کے لیے سرگرم عمل ہیں اور تلاش کا کام جاری ہے۔ علاقہ مکینوں سے اپیل کی گئی ہے کہ اگر انہیں لڑکی کے بارے میں کوئی معلومات ہوں تو فوراً پولیس یا ریسکیو 1122کو اطلاع دیں۔