لاہور:شاہدرہ میں برقع پوش ڈاکو گرفتار
![](https://baaghitv.com/wp-content/uploads/2024/08/buqa-posh-dako.jpg)
لاہور (باغی ٹی وی) شاہدرہ ٹاؤن میں برقع پوش خاتون بن کر موٹر سائیکل سوار سے موبائل چھیننے کی واردات کا انکشاف ہوا ہے۔ پولیس نے تیز رفتار کارروائی کرتے ہوئے سی سی ٹی وی فوٹیج کی مدد سے تینوں ملزمان کو گرفتار کر لیا ہے۔
واقعہ کے مطابق شاہدرہ ٹاؤن میں ایک خاتون نے 15 نمبر پر فون کرکے اطلاع دی کہ دو افراد نے اس سے موبائل اور موٹر سائیکل چھین کر فرار ہو گئے ہیں۔ پولیس نے فوری کارروائی کرتے ہوئے سی سی ٹی وی فوٹیج کی مدد سے ملزمان کو ٹریس کر لیا۔
ابتدائی تحقیقات سے پتہ چلا ہے کہ برقع پوش خاتون بن کر واردات کرنے والا شخص بھی مرد تھا۔ ملزمان نے اعتراف جرم کرتے ہوئے بتایا کہ انہوں نے موبائل فون بیچ کر پیسے خرچ کرنے کا منصوبہ بنایا تھا۔ ملزم نے چند روز قبل اپنے والد سے ایک قیمتی موبائل فون لیا تھا اور اسے بیچ کر دوستوں کے ساتھ مل کر پیسے خرچ کرنا چاہتا تھا۔
ایس ایچ او شاہدرہ ٹاؤن محمد رضا نے بتایا کہ پولیس نے تینوں ملزمان کو گرفتار کر کے ان کے خلاف قانونی کارروائی شروع کر دی ہے۔ ایس پی سٹی کیپٹن (ر) قاضی علی رضا نے شاہدرہ ٹاؤن پولیس کی اس کامیابی پر انہیں مبارکباد دی ہے۔