لاہور:پولیس کی کارروائی،میو ہسپتال سے جعلی ڈاکٹر گرفتار
![](https://baaghitv.com/wp-content/uploads/2024/08/WhatsApp-Image-2024-08-22-at-6.59.06-PM.jpeg)
لاہور (باغی ٹی وی رپورٹ):پولیس کی کارروائی،میو ہسپتال سے جعلی ڈاکٹر گرفتار
تفصیل کے مطابق گوالمنڈی چوکی میو ہسپتال پولیس نے کارروائی کرتے ہوئے ایک جعلی ڈاکٹر کو گرفتار کر لیا ہے۔ ملزم ڈاکٹر کا لباس پہن کر ہسپتال میں گھوم رہا تھا۔ پولیس نے ملزم کو مشکوک دیکھ کر چیک کیا جس پر ملزم نے جعلی ڈگری پیش کی۔
دوران تفتیش، ملزم زیادہ دیر پولیس کو چکما نہ دے سکا اور ڈاکٹر نہ ہونے کا اعتراف کر لیا۔ ملزم احسان کے خلاف مقدمہ درج کر کے تحقیقات کا آغاز کر دیا گیا ہے۔
انچارج چوکی میو ہسپتال کا کہنا ہے کہ انسداد جرائم کے حوالہ سے کڑی نگرانی کی جا رہی ہے۔ ایس پی سٹی کیپٹن ریٹائرڈ قاضی علی رضا نے بھی اس کارروائی کو سراہا ہے۔