مودی کا دورہ یوکرین، امن کی کوششوں میں فعال تعاون کے لیے تیار ہیں،مودی

بھارتی وزیراعظم نریندر مودی یوکرین پہنچ گئے ہیں

بھارتی وزیراعظم کے یوکرین پہنچنے پر یوکرین کے صدر ولادیمیر زیلنسکی نے استقبال کیا،اس موقع پر مودی کا کہنا تھا کہ ہندوستان اس جنگ میں کبھی غیر جانبدار نہیں رہا، وہ امن کا ساتھ دیتا ہے۔ مودی جنگ میں مارے گئے بچوں کی یادگار پر گئے۔مودی نے کہا کہ نئی دہلی امن کی کوششوں میں فعال تعاون کے لیے تیار ہے۔بھارتی وزیر خارجہ ایس جے شنکر کا کہنا ہے کہ دونوں رہنماؤں نے تجارت، اقتصادی مسائل، دفاع، دواسازی، زراعت اور تعلیم پر بات چیت کی۔

مودی نے دارالحکومت کیف میں مہاتما گاندھی کے مجسمے پر پھول چڑھائے۔ یوکرین کی آزادی کے بعد مودی پہلے ہندوستانی وزیر اعظم ہیں جنہوں نے یوکرین کا دورہ کیا۔

سماجی رابطے کی ویب سائٹ ایکس پر مودی نے لکھا کہ ہم نے جاری تنازع پر بھی بات چیت کی۔ یہ سب سے اہم ہے کہ امن برقرار رکھا جائے۔ تنازعات کا پرامن حل انسانیت کے لیے بہترین ہے۔

We also had discussions about the ongoing conflict. It is of topmost importance that peace be maintained. A peaceful solution to the conflict is best for humanity. pic.twitter.com/7nv7SjkvbQ

— Narendra Modi (@narendramodi) August 23, 2024

ایک اور ٹویٹ میں مودی کا کہنا تھا کہ میں نے آج کیف میں بہت نتیجہ خیز گفتگو کی۔ ہندوستان یوکرین کے ساتھ اقتصادی روابط کو گہرا کرنے کا خواہاں ہے۔ ہم نے زراعت، ٹیکنالوجی، فارما اور اس طرح کے دیگر شعبوں میں تعاون کو فروغ دینے کے طریقوں پر تبادلہ خیال کیا۔ ہم نے ثقافتی روابط کو مزید مستحکم کرنے پر بھی اتفاق کیا۔

Reached Kyiv earlier this morning. The Indian community accorded a very warm welcome. pic.twitter.com/oYEV71BTlv

— Narendra Modi (@narendramodi) August 23, 2024

ایک اور ٹویٹ میں‌مودی کا کہنا تھا کہ آج صبح سویرے کیف پہنچ گیا ہوں،۔ ہندوستانی برادری نے بہت پرتپاک استقبال کیا،