کندھ کوٹ: دکان پر حملے کے خلاف احتجاج، انصاف کا مطالبہ

کندھ کوٹ،باغی ٹی وی (نامہ نگار مختیاراعوان )دکان پر حملے کے خلاف احتجاج، انصاف کا مطالبہ

کندھ کوٹ کے گلشیر محلہ میں ایک دکان پر حملے کے خلاف متاثرین نے احتجاج کیا ہے۔ متاثرین محمد عظیم رند اور محمد حنیف رند نے الزام عائد کیا ہے کہ صبح کے وقت جب وہ اپنی دکان کھولنے گئے تو عبدالوہاب سبزوئی دو نامعلوم افراد کے ہمراہ وہاں پہنچا اور انہوں نے دکان پر فائرنگ کرتے ہوئے فرار ہو گئے۔

متاثرین کے مطابق، ملزم نے پہلے بھی ان کے بھائی سے جھگڑا کیا تھا اور اس کی گاڑی کو نقصان پہنچایا تھا۔ متاثرین نے ایس ایس پی کشمور اور دیگر حکام سے مطالبہ کیا ہے کہ ملزم کو فوری طور پر گرفتار کر کے ان کے ساتھ انصاف کیا جائے۔

ایس ایچ او اے سیکشن تھانہ کو اطلاع ملنے پر پولیس موقع پر پہنچی اور ابتدائی تحقیقات کی ہیں۔