اسلام آباد میں ایسا کیا ہوتا کہ ہر مرتبہ رات کو جلسہ کی این او سی کینسل ہو جاتی ہے؟عدالت
![islamabad highcourt](https://baaghitv.com/wp-content/uploads/2023/06/islamabad-highcourt.png)
اسلام آباد میں جلسے کا این او سی کینسل ہونے پر توہین عدالت کی درخواست پر سماعت ہوئی
چیف جسٹس اسلام آباد ہائیکورٹ جسٹس عامر فاروق نے کیس کی سماعت کی،شعیب شاہین پی ٹی آئی کی جانب سے عدالت میں پیش ہوئے،ایڈووکیٹ جنرل اسلام آباد عدالت میں پیش ہوئے، شعیب شاہین نے کہا کہ اسلام آباد انتظامیہ پہلے بھی ایسا کر چکی ہے، اسی عدالت کے بنیچ نمبر 3 نے 22 اگست کو جلسہ کرنے کی یقین دہانی کرائی تھی، اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ پاکستان اس وقت حالت جنگ میں ہے، لیکن اسلام آباد میں ایسا کیا ہوتا کہ ہر مرتبہ رات کو این او سی کینسل ہو جاتی ہے، میرا راستہ محدود ہے اپنے گھر جاتا ہوں یہ بتائیں اسلام آباد کو ہر جگہ کنٹینرز لگا کر بند کیوں کیا ہوا ہے،کیا اسلام آباد میں دفعہ 144 لگا ہوا ہے؟
ایڈوکیٹ جنرل اسلام آباد نے کہا کہ پہلے بنگلہ دیش کی ٹیم تھی لیکن ہم مینج کر رہے تھے،پھر مذہبی جماعت نے سپریم کورٹ جانے کا اعلان کر دیا، ہم نے مشاورت سے 8 ستمبر کو جلسے کی تاریخ دی ہے، اسلام آباد ہائیکورٹ کے چیف جسٹس عامر فاروق نے کہا کہ اگر 8 کو کسی اور جماعت نے آنا ہے تو ابھی بتا دیں ، عدالت نے شعیب شاہین سے استفسار کیا کہ کیا آپ کو کوئی انٹیلیجنس رپورٹ بھی دکھاتے ہیں ،شعیب شاہین نے کہا کہ ہمیں کبھی انہوں نے کوئی رپورٹ نہیں دیکھائی ، ہم نے جلسے ملتوی کر دیا پھر بھی پولیس نے وہاں آپریشن کر کے لوگوں کو گرفتار کیا، رات کے اندھیرے میں پنجاب پولیس بھی آ گئی،جلسہ کرانے کے لیے سکیورٹی نہیں مگر گرفتاریوں کے لیے سب کچھ ہے،
ہم اس وقت حالت جنگ میں ہیں، بلوچستان میں جو ہو رہا ہے سب کے سامنے ہے،چیف جسٹس اسلام آباد ہائیکورٹ
اسلام آباد ہائیکورٹ کے چیف جسٹس عامر فاروق نے کہا کہ ہم اس وقت حالت جنگ میں ہیں، بلوچستان میں جو ہو رہا ہے سب کے سامنے ہے،یہ لوگ ایک پارٹی کے سپورٹر ہیں لیکن اس سے پہلے انسان اور پاکستان کے شہری ہیں، انتظامیہ آخری وقت پر جا کر جلسے کا این او سی کیوں معطل کرتی ہے؟ لوگ دور دراز علاقوں سے چل چکے ہوتے ہیں بعد میں پتہ چلتا ہے جلسہ معطل ہو گیا، آپ پہلے بتا دیا کریں کہ سیکیورٹی خدشات ہیں اجازت نہیں دے سکتے، یہ پہلے بتائیں جو بھی بیس پچیس ہزار لوگ آنے ہوتے ہیں اُن کی جان کو خطرہ ہے، وہ کوئی بےحس لوگ تو نہیں کہ انہوں نے پھر بھی اپنے لوگوں کو خطرے میں ڈالنا ہے، میں نے پریس میں دیکھا کہ صبح صبح اڈیالہ جیل جا کر ملاقات کی گئی،گاڑیوں کی آدھے پونے گھنٹے کی لمبی لائن ہوتی ہے، محرم ہو گیا، ختم نبوت والے آ گئے، اب آگے کیا ہونا ہے وہ بھی بتا دیں ،کیا اچھا لگے گا کہ میں کمشنر کو بلا کر شوکاز نوٹس جاری کروں،
ایڈوکیٹ جنرل نے 8 ستمبر کو جلسے کی اجازت کی یقین دہانی کروادی،اور کہا کہ پچھلی بار لفظ انشاء اللہ کہا تھا تو اِنہوں نے اعتراض کیا تھا ،اسلام آباد ہائیکورٹ کے چیف جسٹس عامر فاروق نے کہا کہ 8 کو جلسہ ہے تو ہم یہ درخواست نمٹا نہیں رہے، ہم اس درخواست کو دس ستمبر تک ملتوی کرتے ہیں ،اسلام آباد ہائیکورٹ کے چیف جسٹس عامر فاروق نے کیس کی سماعت کی،کیس کی سماعت دس ستمبر تک ملتوی کر دی گئی
بشریٰ بی بی ڈس انفارمیشن سیل چلا رہی، علیمہ خان کا اعتراف
جلسہ ملتوی ہونے پر علیمہ خان اعظم سواتی پر برس پڑیں
لگ رہا عمران خان کو اگلے ہفتے سزا سنا دی جائے گی،علیمہ خان
عمران خان کا برطانوی دوست علیمہ خان کے ہمراہ اڈیالہ پہنچ گیا
تفتیشی افسر نے علیمہ خان سے فون نمبر مانگ لیا
ہمیں علیمہ خان نہیں بلکہ عمران خان کو فالو کرنا ہے،علی امین گنڈا پور
جو مرضی کر لیں، لوگ نکل کر پی ٹی آئی کوووٹ دیں گے،عمران خان کا پیغام علیمہ کی زبانی
عمران خان پر لگی دفعات پر سزائے موت ہو سکتی ہے،علیمہ خان کا پھر بیان
جج کے پیچھے پولیس کھڑی ہوتی تا کہ جج کو ڈرایا جائے،علیمہ خان
جس کیس سے متعلق کوئی بات نہ کر سکیں اس پر کیا کہیں،علیمہ خان
شیر افضل مروت کی لاٹری نکل آئی، نواز کا دکھڑا،علیمہ کی پنکی سے چھیڑچھاڑ
پی ٹی آئی چیئرمین کیسا ہو، بشریٰ بی بی جیسا ہو،علیمہ باجی کا پارٹی پر قبضہ نامنظور ،نعرے لگ گئے