گوجرہ : تاجراورعوام ہوشرباء بجلی کےبلوں اور ناجائزٹیکسوں کے خلاف سراپا احتجاج

گوجرہ (باغی ٹی وی،نامہ نگارعبدالرحمن جٹ سے): ناجائز اور ظالمانہ بجلی کے بلوں نے عوام کا جینا حرام کر دیا ہے۔ اس کے خلاف گوجرہ میں تاجر تنظیموں اور جمعیت اسلامی کے زیر اہتمام چوک ملکانوالہ میں ایک بڑا احتجاجی مظاہرہ ہوا۔

مظاہرین نے نعرے بازی کرتے ہوئے حکومت کے خلاف شدید ناراضی کا اظہار کیا۔ ان کا کہنا تھا کہ نالائق حکمرانوں نے ملک کو آئی ایم ایف کا غلام بنا دیا ہے اور عوام کو مہنگائی کی آگ میں جھلس رہے ہیں۔

ڈاکٹر عطاء اللہ حمید، ڈاکٹر ناصر چوہدری اور دیگر مقررین نے خطاب کرتے ہوئے کہا کہ بجلی کے بلوں میں اضافے سے عوام کی جیبیں خالی ہو رہی ہیں۔ حکومت کو چاہیے کہ عوام کے مفادات کا خیال رکھے اور بجلی کے بلوں میں کمی کرے۔

صرافہ ایسوسی ایشن کے صدر، حاجی اشرف محسن نے کہا کہ "حکومت بجلی کے معاہدوں کو خفیہ رکھ کر عوام کو دھوکہ دے رہی ہے۔ ان معاہدوں کو عوام کے سامنے لایا جائے تاکہ یہ بات واضح ہو کہ عوام کا پیسہ کہاں جا رہا ہے۔”

گوجرہ میں تاجروں نے احتجاج کے طور پر اپنی دکانیں بند رکھیں اور مکمل ہڑتال کی۔