کشمور:اوکاڑہ کے 12 افراد کچے کے ڈاکوؤں کے ہاتھوں اغوا سے بچ گئے
![](https://baaghitv.com/wp-content/uploads/2024/08/kashmoor-okara.jpg)
کشمور(باغی ٹی وی رپورٹ)کشمور پولیس نے ایک کامیاب آپریشن میں اوکاڑہ سے تعلق رکھنے والے 12 افراد کو اغوا ہونے سے بچا لیا ہے۔
ایس ایس پی بشیر بروھی کے مطابق ڈاکوؤں کا ایک گروہ ان افراد کو لکڑیاں کاٹنے کے بہانے کچے کے ایک دور دراز علاقے میں لے جا رہا تھا تاکہ انہیں اغوا کیا جا سکے۔ خوش قسمتی سے پولیس کو اس سازش کی اطلاع مل گئی اور وقت پر کارروائی کرتے ہوئے تمام افراد کو آزاد کروا لیا گیا۔
انہوں نے مزید بتایا کہ اغوا ہونے والے تمام افراد ایک ہی خاندان سے تعلق رکھتے ہیں جن میں خواتین اور بچے بھی شامل ہیں۔ پولیس نے ڈاکوؤں کی گرفتاری کے لیے سرچ آپریشن شروع کر دیا ہے۔