گوجرانوالہ :آرٹ اور کلچر کے فروغ کے لیے تمام وسائل بروئے کار لائے جائیں گے،صغیر شاہد
![](https://baaghitv.com/wp-content/uploads/2024/08/art-coun.jpg)
گوجرانوالہ (باغی ٹی وی،نامہ نگارمحمدرمضان نوشاہی): کونسل آف دی آرٹس پنجاب کے ایگزیکٹیو ڈائریکٹر غلام صغیر شاہد نے گوجرانوالہ میں آرٹس کونسل کا دورہ کیا اور اعلان کیا ہے کہ کونسل آف دی آرٹس گوجرانوالہ کو آرٹ اور کلچر کے فروغ کے لیے ایک یادگار ادارہ بنایا جائے گا۔
انہوں نے کہا کہ کلچر کے تحفظ اور آرٹ کے فروغ کے لیے تمام وسائل بروئے کار لائے جائیں گے۔ اس ضمن میں چیمبر آف کامرس کا تعاون بھی ناگزیر ہے۔
ڈائریکٹر آرٹس کونسل گوجرانوالہ غلام عباس فراست نے آرٹس کونسل کی سرگرمیوں سے متعلق تفصیلی بریفنگ دی۔ انہوں نے کہا کہ کلچر کے فروغ کے لیے تعلیمی اداروں، خاص طور پر یونیورسٹیز کے ساتھ روابط کو بڑھانے کی کوشش کی جائے گی۔
اس کے علاوہ، مختلف اضلاع سے آرٹ کے ٹیلنٹ کو تلاش کرنے اور اسے صوبائی سطح پر متعارف کروانے کے لیے بچوں کے درمیان مقابلے کروائے جائیں گے۔
صدر چیمبر آف کامرس فیصل ایوب نے بھی آرٹس کونسل کے فروغ میں تعاون کا یقین دلایا۔