گوجرانوالہ: زیادتی کے مقدمے میں ملوث ملزم پولیس مقابلے میں ہلاک
![](https://baaghitv.com/wp-content/uploads/2024/08/g.police-encounter.jpg)
گوجرانوالہ (باغی ٹی وی،نامہ نگارمحمدرمضان نوشاہی): گزشتہ ماہ چیانوالی روڈ پر دوران واردات ایک کمسن بچی سے زیادتی کرنے والا درندہ صفت ملزم تھانہ صدر گوجرانوالہ پولیس کے ساتھ مقابلے میں ہلاک ہو گیا ہے۔
تفصیلات کے مطابق، تھانہ صدر گوجرانوالہ پولیس کی گاڑی روٹین گشت کے دوران مراد ہسپتال کینال روڈ پر ناکہ بندی پر موجود تھی۔ اسی دوران تین نامعلوم افراد موٹر سائیکل پر آ رہے تھے جنہوں نے پولیس گاڑی دیکھ کر فائرنگ شروع کر دی۔ جوابی فائرنگ میں ایک ملزم ہلاک ہو گیا جبکہ دیگر دو فرار ہو گئے۔
ہلاک ہونے والے ملزم کی شناخت عمر فاروق کے نام سے ہوئی ہے جو راہزنی اور زیادتی کے متعدد مقدمات میں ملوث تھا۔ سی پی او گوجرانوالہ نے فرار ہونے والے ملزمان کو گرفتار کرنے کے لیے خصوصی ٹیمیں تشکیل دے دی ہیں۔
سی پی او محمد ایاز سلیم نے کہا کہ شریف شہریوں کی عزت سے کھیلنے والے اور جرائم پیشہ عناصر معاشرے کے ناسور ہیں اور ان کے خلاف سخت کارروائی کی جائے گی۔