انقلاب لانے والے اقتدار میں آکر لوٹ مار چاہتے ہیں، طلال چوہدری
![talal](https://baaghitv.com/wp-content/uploads/2024/05/talal--jpeg.webp)
اسلام آباد: مسلم لیگ ن کے مرکزی رہنما طلال چودھری نے 190 ملین پاؤنڈ کیس کے جلد حل ہونے کا دعویٰ کیا ہے۔ انہوں نے میڈیا سے گفتگو کرتے ہوئے کہا کہ القادر ٹرسٹ کیس ایک "اوپن اینڈ شٹ کیس” ہے اور انقلابی دعوے کرنے والے اقتدار میں آکر لوٹ مار کرنے لگے ہیں۔چودھری نے کہا کہ آج 30 اگست کو کال دی گئی لیکن کوئی باہر نہیں نکلا۔ انہوں نے مزید کہا کہ فیض حمید کے مشورے پر فیصلے ہوتے تھے، لیکن ان کی گرفتاری کے بعد پی ٹی آئی کی فیصلہ سازی متاثر ہوئی ہے۔ ان کا کہنا تھا کہ انقلاب لانے کے لیے کردار کی ضرورت ہوتی ہے، اور موجودہ قیادت میں اس کی کمی ہے۔انہوں نے پی ٹی آئی کی قیادت پر تنقید کرتے ہوئے کہا کہ ان کی پارٹی میں نظریے کی کمی ہے، جس کی وجہ سے اختلافات بڑھ رہے ہیں۔ خیبرپختونخوا حکومت پر بھی تنقید کرتے ہوئے چودھری نے کہا کہ وہاں کی حکومت کرپشن اور لوٹ مار پر توجہ دے رہی ہے اور جو بھی کرپشن کے خلاف آواز اٹھاتا ہے، اسے ہٹا دیا جاتا ہے۔طلال چودھری نے علیمہ خان اور بشریٰ بی بی کے درمیان پارٹی کے اندرونی اختلافات کا بھی ذکر کیا، اور کہا کہ پی ٹی آئی میں قبضے کی جنگ جاری ہے۔