![](https://baaghitv.com/wp-content/uploads/2024/08/WhatsApp-Image-2024-08-30-at-8.24.11-PM.jpeg)
اوچ شریف (باغی ٹی وی،نامہ نگارحبیب خان) سابق وفاقی اور صوبائی وزیر سید صمصام بخاری نے اوچ شریف کے شمس محل میں مخدوم الملک مخدوم سید افتخار الحسن گیلانی سے ملاقات کی۔ اس موقع پر سید صمصام بخاری نے کہا کہ برصغیر میں اسلام کی اشاعت میں خانوادۂ گیلانیہ اور قادریہ سلسلے کے بزرگان دین نے اہم کردار ادا کیا۔
سید صمصام بخاری نے مزید کہا کہ اوچ شریف ایک تاریخی اور روحانی مقام ہے جہاں انسان کو روحانی سکون اور شانتی حاصل ہوتی ہے۔
سابق صوبائی پارلیمانی سیکرٹری مخدوم سید افتخار حسن گیلانی نے سید صمصام بخاری کا شمس محل میں استقبال کیا اور ان کا شکریہ ادا کیا۔ مخدوم سید افتخار حسن گیلانی نے سید صمصام بخاری کو تاریخی نوادرات اور تبرکات کی گیلری کا دورہ کرایا اور دربار حضرت محبوب سبحانی پر حاضری دی۔
اس موقع پر مخدوم سید افتخار حسن گیلانی کے فرزند مخدوم زادہ پیر سید عمر رضا گیلانی بھی موجود تھے۔