صدر مملکت آصف علی زرداری نے لاہور میں کیپٹن محمد علی قریشی شہید کے گھر پہنچ کر ان کے لواحقین سے تعزیت کی۔ کیپٹن محمد علی قریشی حال ہی میں بلوچستان میں شہید ہوئے تھے۔ صدر مملکت نے شہید کے لواحقین کے ساتھ فاتحہ خوانی کی اور کیپٹن محمد علی قریشی کی خدمات اور بہادری کو خراجِ عقیدت پیش کیا۔صدر آصف علی زرداری نے اس موقع پر کہا، "مشکل کی اس گھڑی میں ہماری ہمدردیاں شہید کے اہل خانہ کے ساتھ ہیں۔ دہشت گردی کے خلاف جنگ میں بہت سے نوجوانوں نے جانوں کا نذرانہ پیش کیا۔ شہید محترمہ بے نظیر بھٹو بھی دہشت گردی کے خلاف جنگ میں شہید ہوئیں۔ دہشت گردی کے فتنے کو جڑ سے اکھاڑنے کے لیے ہم آخری دم تک کوششیں جاری رکھیں گے۔صدر مملکت نے کہا کہ قوم شہداء اور ان کے خاندانوں کی قربانیوں کو ہمیشہ یاد رکھے گی۔ انہوں نے شہید کیپٹن محمد علی قریشی کے اہلِ خانہ کے جذبہ حب الوطنی اور ایثار کو سراہا اور شہید کی بلندی درجات اور ورثاء کے لیے صبر جمیل کی دعا کی۔صدر مملکت کی آمد اور تعزیت نے شہید کے اہل خانہ کو دلی تسلی دی، اور اس موقع پر دہشت گردی کے خلاف قومی عزم و ارادے کو بھی مضبوط کیا۔
Shares:
