گوجرانوالہ میں کسان کارڈ کی رجسٹریشن کا آغاز کردیاگیا

گوجرانوالہ (باغی ٹی وی نامہ نگار محمد رمضان نوشاہی): وزیر اعلیٰ پنجاب مریم نواز شریف کی ہدایت پر گوجرانوالہ میں کسان کارڈ کی رجسٹریشن اور اجراء کا آغاز کر دیا گیا ہے۔ کمشنر سید نوید حیدر شیرازی اور ڈپٹی کمشنر محمد طارق قریشی نے کسان کارڈ کے کاؤنٹر کا افتتاح کیا۔

اہم نکات:

×گوجرانوالہ میں کسان کارڈ کی رجسٹریشن کا ہدف 15880 مقرر کیا گیا ہے اور اب تک 12 ہزار سے زائد زمیندار رجسٹرڈ ہو چکے ہیں۔
رجسٹریشن آن لائن جاری ہے۔
×ایک ایکڑ سے ساڑھے بارہ ایکڑ اراضی کے مالک زمیندار اپنے رجسٹرڈ موبائل فون نمبر سے میسج کر کے رجسٹریشن کروا سکتے ہیں۔
×کسان کارڈ کی تقسیم کے لیے ڈسٹریبیوشن سینٹرز تمام تحصیلوں میں قائم کر دیئے گئے ہیں۔
×بینک آف پنجاب کے نمائندے کے مطابق کسان کارڈ کل تک موصول ہونا شروع ہو جائیں گے۔
×کمشنر اور ڈپٹی کمشنر نے زمینداروں کی رجسٹریشن اور کسان کارڈ کے اجراء کے لیے اقدامات بروئے کار لانے کی ہدایت کی ہے۔
×کسان رجسٹریشن کا ٹارگٹ اسی ہفتہ مکمل کرنے کا حکم دیا گیا ہے۔
×کسان کارڈ 15 اکتوبر تا 15 اپریل تک قابل واپسی ہو گا۔