آئینی ترمیم کا مقصد صرف مجھے جیل میں رکھنا ہے،عمران خان

توشہ خانہ ٹو کیس ،ایف آئی اے قوانین کےتحت ٹرائل شروع ہو گیا،

اسپیشل جج سینٹرل شاہ رخ ارجمند نے آج اڈیالہ جیل میں پہلی سماعت کی،عدالت نے تفتیشی افیسرکوآئندہ سماعت پر تفتیشی رپورٹ پیش کرنے کی ہدایت کر دی، سماعت 23 ستمبر تک ملتوی کر دی گئی،عدالت میں عمران خان اور بشریٰ بی بی کو پیش کیا گیا تھا

عمران خان نے عدالت میں صحافیوں سے غیر رسمی بات چیت کرتے ہوئے کہا کہ یہ قاضی فائز عیسیٰ کو دوبارہ لا کر عدلیہ کو تباہ کرنا چاہتے ہیں،یہ سمجھتے ہیں ہم اس کے خلاف خاموش رہیں گے،ہم بھرپوراحتجاج کریں گے، عوام کو اپنے حقوق،عدلیہ کو بچانے کے لئے کھڑا ہونا پڑے گا،میں ججز اور صحافیوں کے ساتھ کھڑا ہوں، لاہور میں پرامن جلسہ اور تاریخی احتجاج کریں گے،یہ ہمارے مُلک کے مستقبل کا مسئلہ ہے، ان کو پتہ ہے قاضی فائز عیسیٰ گیا تو انسانی حقوق کی پٹیشنز سُنی جائیں گی،اسی ڈر سے یہ ملک تباہ کر رہے ہیں،آئینی عدالت کا قیام اس لئے عمل میں لایا جا رہا ہے کیونکہ یہ سُپریم کورٹ سے ڈرے ہوئے، نئی ترامیم سے ملک کا مستقبل تباہ ہو جائے گا،آئینی ترمیم کا مقصد صرف مجھے جیل میں رکھنا ہے،حکمرانوں نے عدلیہ کا بیڑہ غرق کرنے کافیصلہ کیا ہے،الیکشن فراڈ چھپانے کیلئے یہ سب کچھ کیا جارہا ہے،یہ ڈرے ہوئے ہیں کہ اگر الیکشن کھل گیا تو سب کچھ ریورس ہو جائے گا ، رول آف لاء کی دھجیاں اڑائی جا رہی ہیں،اس سے بڑا ظلم ملک پر نہیں ہو سکتا،یہ ملک سے قانون کی حکمرانی ختم جمہوریت کا بیڑہ غرق کر رہے ہیں

عمران خان کا مزید کہنا تھا کہ نیب ترامیم میں انہوں نے اپنے اربوں روپے معاف کروا کر خود کو تحفظ دیا، یہ سب کچھ ملکی مفاد کے خلاف ہو رہا ہے،ججز کو دھمکیاں،لوگوں کو اغوا کرنا، سیاسی جماعت کو ختم کرنے سے سیاسی عدم استحکام بڑھے گا،ترمیم لانے والوں کے پیسے باہر پڑے ہوئے ہیں،حکومت میں بیٹھے لوگ عدلیہ کو آزاد نہیں دیکھنا چاہتے،اشرافیہ کا انٹرسٹ اور ملکی مفاد آپس میں متضاد ہیں،ان کا مفاد الیکشن فراڈ اور اپنا پیسہ بچانے میں ہے، 6ماہ میں 4ہزار پاکستانی کمپنیاں دبئی میں رجسٹرڈ ہوئیں،لیکن ان کو فرق نہیں پڑنا ان کا پیسہ اور جائیداد باہر ہیں ،محسن نقوی کی اہلیہ کی 500 ملین ڈالر کی پراپرٹی دبئی لیکس میں سامنے آئیں،

آئینی ترامیم میں کیا ہے؟مسودہ باغی ٹی وی نے حاصل کر لیا

آئینی ترامیم،قومی اسمبلی،سینیٹ اجلاس آج،مولانا فضل الرحمان اہمیت اختیار کر گئے

عمران خان نے اشارہ کیا تو بنگلہ دیش کو بھول جاؤ گے،بیرسٹر گوہر کی دھمکی

ہوسکتا ہے جنرل فیض حمید اندر یہ گانا گا رہے ہوں کہ آ جا بالما تیرا انتظار ہے، خواجہ آصف

بل پیش کرنے سے پہلے کابینہ سے منظوری لازمی ہے،بیرسٹر گوہر

وفاقی حکومت کا علیحدہ آئینی عدالت کے قیام کا منصوبہ

پارلیمنٹ کو کوئی بھی آئینی ترمیم کرنے کا اختیار ہے،احسن بھون

لاہور:پاکستان کوکلئیر ویلفیئر آرگنائزیشن کا پہلا باضابطہ اجلاس،اہم فیصلے کئے گئے

پیدائشی سماعت سے محروم بچوں کے کامیاب آپریشن کے بعد”پاکستان زندہ باد” کے نعرے