سیالکوٹ: ڈسکہ میں محفل ذکر رحمتہ اللعالمین ﷺمنعقد کی گئی

سیالکوٹ (باغی ٹی وی بیوروچیف شاہد ریاض)ڈسکہ میں محفل ذکر رحمتہ اللعالمین ﷺمنعقد کی گئی،صوبائی وزیر بلدیات نے نعت خوانوں کو انعامات اور موٹر سائیکلیں تقسیم کیں

تفصیل کے مطابق صوبائی وزیر بلدیات پنجاب میاں ذیشان رفیق کی زیر صدارت ڈسکہ میں محفل ذکر رحمتہ اللعالمین ﷺ کا انعقاد کیا گیا۔ اس موقع پر معروف نعت خوان قاری رفیق الدین سیالوی، محمد ابوبکر سلطانی، حافظ مرغوب احمد ہمدانی، نعمان ارشد غوری، عمر شہزاد، حافظ وسیم عباس، حافظ احسن رضا سیالوی، حافظ احسن اضا اویسی، حافظ معاذ صدیقی، حافظ مرزوق احمد اور حافظ احمد رضا نے بارگاہ رسالت مآب ﷺ میں عقیدت کے پھول نچھاور کیے۔

صوبائی وزیر بلدیات نے نعت خوانی اور قرات میں اول، دوم اور سوم آنے والے حضرات کو بالترتیب 50,000، 30,000 اور 25,000 روپے نقد انعامات دیے۔ علاوہ ازیں، محفل کے تین شرکاء میں قرعہ اندازی کے ذریعے موٹر سائیکلیں بھی تقسیم کی گئیں۔